Saadî Pîra: YNK dixwaze jiyana xelkê xweş bike

Buroya Ragihandinê ya Saadî Ehmed Pîra

Saadi Ahmad Pîra û Arakawa Mikihiro

Berdevkê Yekîtiya Niştimanî ya Kurdistanê (YNK) rola Japonê li Herêma Kurdistanê û navçeyê bilind nirxand  got:"Ev çend sal in Japonya xizmeta Herêma Kurdistanê dike û em hêviya zêdetir ji wan dikin ji ber ku YNK dixwaze jiyana xelkê baştir bike."

Endamê Mekteba Siyasî û Berdevkê Yekîtiya Niştimanî ya Kurdistanê (YNK) Saadî Ehmed Pîre ragihand:“YNK daxwaza aramiya siyasî û başkirina jiyana gelê Kurd, li gel guhertinên siyasî û di rêvebiriyê de ,bi hilbijartinên demokratîk di dema xwe de dike û divê her kes li ser parastina ezmûna Herêma Kurdistanê û bidestxistina mafên yasayî û destûrî yên Kurdistanê û aramiyê bixebite. Divê ewlekariya herêmê û serweriya qanûnê bê parastin.”

Derbarê pirsgirêkên  ewlekarî yên Herêma Kurdistanê de jî Pîra got:“Metirsiya şaneyên razayî yên terorîstan û pirsgirêkên  di navbera cotkarên Kurd û Ereb li navçeyên Kurdistanê û hemû pirsgirêkên navçeyê pêwîstî bi çavdêriyeke nêzîk û hestiyar heye, daku nebin sedema aloziyên siyasî û civakî yên ku asayîşa herêmê xirab dike. Di vê qonaxê de, pêwîstiya Iraq û Herêma Kurdistanê bi amadebûna zêdetir ji nûnerên Neteweyên Yekbûyî û ajansên curbicur ên Neteweyên Yekbûyî heye ku zêdetir alîkariya saziyên siyasî, hikûmetî û îdarî bikin."

Ev gotinên Saadî Ehmed Pîre di hevdîtinê de li gel Arakawa Mikihiro Konsulê Giştî yê Japonê li Herêma Kurdistanê pêk hat ku kar û bernameyên xizmetguzariyê yên Konsulxaneya Giştî ya Japonê û Ajansa JICA ku bi salan e xizmeta sazî û sektorên cuda li Herêma Kurdistanê dikin, bilind nirxand. Di bersivê de Konsulê Giştî yê Japonê li Herêma Kurdistanê amaje bi giringiya pêgeha Herêma Kurdistanê li navçeyê kir û got: Japon giringiyeke mezin dide rewşa navçeyê bi giştî û Herêma Kurdistanê bi taybetî û dixwaze li herêmê îstiqrara siyasî, ewlehî û aborî zêdetir bibe.”

PUKMEDIA