Xwecihkirin pirsgirêka dana mûçeyên karmendan çareser dike

Kurdistan 11:15 AM - 2024-05-15

Dadgeha Federal û pereyên Êraqî

Piştî ku Dadgeha Federalî biryara xwecihîkirina mûçeyên karmendan li Herêma Kurdistanê da, bankên hikûmetê hewl didin mûçeyên karmendan li bankên hikûmetê yên li derveyî Herêma Kurdistanê bi cih bikin ku ev yeke pêwîste û wê pirsgirêka xerckirina mûçe çareser bike û di wextê xwe de wê bê dabeşkirin û nayê paşxistin.

Xwecihkirina mûçeyên karmendan di bankên hikûmetê de

Endama Komîteya Darayî ya Parlamentoyê D.Nermîn Meirûf ji PUKMEDIA re ragihand: Biryara Dadgeha Federalî zelal û eşkere ye û diyar dike ku mûçeyên karmendan di bankên ser bi hikûmeta federal de cih digirin û ne projeya (Hesaba min) ya girêdayî Herêma Kurdistanê ye.

Wê diyar kir: Nekokiyên di navbera hikûmeta Herêma Kurdistanê û hikûmeta federal de di warê gihandina hinardekirina federal û mijara xwecihkirina mûçeyên karmendan de ye.

Pêdana mûçeyên karmendan

 

Nermîn Meirûf dibêje: Wezareta Darayî ya Federalî biryar da ku mûçeyê meha Nîsanê yê karmendan li Herêma Kurdistanê dabîn bike, lê mijara xwecihkirinê wê şandina mûçeya meha Eyarê lihevbixe eger hikûmeta Herêma Kurdistanê ti gave di wê warî de navêje.

Got jî: Banka Bazirganî ya Êraqî amadeye dest bi proseya bicîkirina mûçeyên karmendan bike û divê hikûmeta herêma Kurdistanê hemû zaniyariyên pêwîst pêşkêşî bankê bike, daku ti pirsgirêk dernekevin ku rêgiriyê li dana mûçeyê meha Gulanê bo karmendan li Kurdistanê bikin.

Biryara Dadgeha Federal eşkere ye

 

Endamê Meclisa Nûneran yê Yekîtiya Niştimanî ya Kurdistanê Bryar Reşîd di civîneke rojnamevaniyê de ragihand: Di hevdîtina me de ligel Serokê Dadgeha Federalî ya Bilind, dadwer Casim Mihemed Ebûd de piştrast kir ku biryara Dadgeha Federalî zelale û eşkere ye û armanca xwecihkirina mûçeyên fermanberên Herêma Kurdistanê bi rêya bankên federal ew e ku ew kêşeyên ku 10 sal in li Herêma Kurdistanê tûşî dibin dubare nebin.

Bryar Reşîd her wiha got: Serokê Dadgeha Federalî herwiha eşkere kir, ku ti zêdekirin û jêbirin di biryarên dadgehê de nîne û armanca wan dabînkirina dadmendiya karmendan û nehiştina dubarekirina paşxistina mûçe ye.

Endamê Yekîtiya Niştimanî ya Kurdistanê diyar kir ku, dadwer Casim Mihemed Ebûd piştgirî da daxwaza me ya ji bo wekhevkirina mûçeyên pêkhateyên herêmê û hevpîşeyên wan ên di hikûmeta federal de, çi di warê dîroka dabeşkirina mûçeyan de.

TBI Bank tevlî projeya hesabê mib nebûye û nabe

 

got Dr. Bryar Reşîd: Li gor zanyariyên ku min ji rêveberê Banka Bazirganî ya Êraqê (TBI) bi dest xistine, ew bank beşdarî projeya (Hesaba min) ya Hikûmeta Herêma Kurdistanê nebûye û di paşerojê de jî tevlî wê projeyê nabin. Gotûbêjên derbarê vê mijarê de ne rast in, ji bilî wê yekê ku TBI dest bi bicihbûnê nekiriye û ji aliyê hikûmeta herêmê ve navên karmendan û agahiyên pêwîst nehatine dayîn.

Wî diyar kir, biryara Dadgeha Federalî ya derbarê cîbicîkirina mûçeyan de zelal e û divê hikûmeta herêmê zanyariyên karmendan ji Wezareta Darayî ya Federal û Banka TBI re bişîne, da ku mûçeyên wan di wê bankê de cih negirin. li bankên din ên taybet ên li herêmê hene.

PUKMEDIA