Qubad Talebanî: Pirsgirêka mûçe hat çareserkirin

Nivîsgeha Ragihandinê yê cîgirê Serok Wezîr

Qubad Talebanî cîgirê serok wezîran

Îro Duşemê 13.05.2024, Qubad Talebanî cîgirê Serokwezîrê Herêma Kurdistanê serdana parêzgeha Helebce kir û di yekem rawestgeha xwe ya serdanê de, destegul li ser bîrdariya şehîdan danî bo dilsozî ji bo şehîdên Helebce.

Piştre Qubad Talebanî beşdarî merasîmên bi boneya 37. salvegera serhildana gelê Helebce, Hewreman û Şarezor ya sala 1987’an a li dijî rêjîma dîktator a berê bû.

Cîgirê Serokwezîr her wiha li gel Encûmena Piştgiriya Helebceyê ku gelek navdar û kesayetiyên parêzgehê tê de cih digirin, civiya û behsa rêyên pêşxistina Helebceyê ji aliyê aborî û xizmetguzarî ve hat kirin û amadebûyan çend daxwaz ji bo pêşkêşkirina xizmetguzariyên zêdetir ji parêzgeha xwe re pêşkêş kirin.

Qubad Talebanî ji aliyê xwe ve amaje bi wê yekê jî kir ku, Hikûmeta Herêma Kurdistanê bi cidî ye li ser cîbicîkirina tedbîrên veguhertina Helebce bibe parêzgeh ji aliyê hikûmeta federal ve û danîna jêrxaneyeke bihêz a aborî bo parêzgehê, ji ber ku em hemû deyndarê Helebce ne û em çi bikin jî em nikarin qurbaniyên ku wê kirine qerebû bikin, piştevaniya xwe ji encumenê re dupat kir ji bo birêxistinkirina karûbarên xwe û pêşkêşkirina piştgiriya îdarî ji parêzgehê re, da ku xizmetguzariyên pêwîst jê re pêşkêş bike.

Herwiha Qubad Talebanî di daxuyaniyeke rojnamevanî de li Helebce ragihand ku Pirsgirêka mûçeyên karmendan li Herêma Kurdistanê çareser bûye.
Got jî: şandina mûçeyan hat pesend kirin û ya ku ji hikûmeta herêmê tê xwestin şandina lîsteyan bû û ji Wezareta Darayî ya Federal re hatin şandin.

PUKMEDIA