Cîbicîkirina biryarên Dadgeha Federal dibe merc bo şandina mûçe

Kurdistan 02:00 PM - 2024-05-13

Dînarên Êraqî

Radest nekirina dahatên ne neftê û neavêtina gavên cidî yên Hikûmeta Herêma Kurdistanê ji bo dayîna mûçeyên Hikûmeta Herêma Kurdistanê ku biryara Dadgeha Federalî ye, şandina mûçeyên meha Nîsanê yên karmendên Hikûmê ji Bexdayê paşxist. Biryarderê fireksiyona yekîtî li encumena nûnerên Êraqê dibêje: Cîbicîkirina biryarên Dadgeha Federalî mercê şandina mûçeyên Bexdayê ye.

Xwecihkirin û dahatên ne naftî sedem in

Biryarderê Fraksiyona Yekîtiya Niştimanî ya Kurdistanê li Parlamentoya Êraqê Kerwan Yarwês ji PUKMEDIA re ragihand: Hikûmeta Êraqê, Hikûmeta Herêma Kurdistanê di cîbicîkirina biryarên Dadgeha Federalî ya derbarê şandina mûçeyên Hikûmeta Herêma Kurdistanê de xemsar dibîne.

Herwaha got: Li gor lêkolînên min, Bexdad ti pirsgirêkek bi pere û lîsteya mûçeyên fermanberên herêma Kurdistanê tineye û amade ye mûçeyên karmendan bişîne piştî cîbicîkirina biryarê dadgeha federal ji aliya Hewlêrê ve.

Pêngavên herêmê ne weke ku divê bin

Endamê Lijneya Darayî li Parlamentoya Êraqê Soran Omer di daxuyaniyekê de ji PUKMEDIAyê re ragihandibû: Pêngavên hikûmeta herêmê derbarê cîbicîkirina biryarên Dadgeha Federalî ne weke ku tê xwestin û ev yek jî sedema sereke ya paşxistina mûçeyên herêmê ji aliyê Bexdayê ve ye.
Soran Omer got jî: Sedemek din jî ew e ku lîsta mûçeyên ku Darayîya Herêmê mehane ji bo Darayîya Federalî dişîne, gelek kêşe hene û çareserkirina vê pirsgirêkê jî bi cîbicîkirina biryarên Dadgeha Federalî ve girêdayî ye.

Di ser wergirtina mûçeyên meha Adarê re 40 roj derbas bûn

Nêzîkî 40 roj bi ser wergirtina mûçeya meha Adarê re derbas bûye lê heta niha dema şandina mûçeyên meha Nîsanê nehatiye diyarkirin û di çend rojên din de hikûmeta federal dê dest bi dana mûçeyên meha Gulanê bike.

Di 21ê Sibatê de, Dadgeha Federalî biryarek derxistibû û hikumetên Herêm û Bexdayê neçar kiribûn ku mûçeyên karmend, xanenişîn û wergirên tora parastina civakî li Herêma Kurdistanê bi cih bikin , ew jî bi rêya xwecihkirina mûçeyan û “Li bankên hikûmeta federal ên li derve kar dikin” û ji parê herêmê ku li gorî yasaya bûdceya îsal hatiye diyarkirin, bê kêmkirin.


PUKMEDIA