Xanima Yekem: Desteserkirina mafên her welatiyekî dijberî xwezaya civakê ye

Medya Serokatiya Komarê

Xanima Yekem beşdarî konferansa pêşkeftina domdar dibe

Roja Înê 10ê Gulana 2024an, Xanima Yekema Iraqê Şenaz Îbrahîm Ehmed beşdarî konferansa geşepêdana domdar bû ku ji aliyê rêxistina Helem ve di bin diruşmeya (Bi hev re ji bo avakirina jîngeheke ewle ji malbat û zarokan re) hat lidarxistin.

Di konferansê de, Xanima yekem gotarek pêşkêş kir û tê de pesna rola jinên Iraqî, hêz û şiyana wan a li berxwedayînê û bi xîret di şert û mercên şer û aştiyê de bi cih aniye û herwiha behsa mafên jinan û zarokan kir û wan weke pêşerojê bi nav dike.

Xanim Şenaz Ibrahîm Ehmed di axaftina xwe de bal kişand ser girîngiya madeya (57) ya yasaya kesayetî û diyar kir ku guhertinên li ser vê madeyê bandorê li mafê jinê yê xwedîkirina zarokên xwe dike.

Xanima Yekem herwiha tekez kir ku mafên jin û zarokan mafên mirovane û desteserkirina mafên her welatiyekî çi jin, çi kêmîneyên olî, çi kesên kêmendam û yên din, berovajî cewherê civaka me ya piralî û tolerans e. Her kes li hember her pirseke ku mafên destûrî ji hemwelatiyên Iraqî bêpar bike raweste.

PUKMEDIA