Komîsyon: Nimûneyên pusûleyên dengdanê yên giştî û taybet hene

PUKMEDIA

Hilbijartinên Parlamentoya Kurdistanê

Komisyona Bilind a Hilbijartinan a Iraqê  ragihand ku dê hilbijartinên Parlamentoya Herêma Kurdistana Iraqê  wê bê lidarxistin û hemû amadekarî û xebatên komîsyonê yên ji bo hilbijartinên parlamentoya Kurdistanê li gorî bernameya xwe berdewam dikin.

Berdevka Komisyona Bilind a Serbixwe ya Hilbijartinan a Iraqê Cumana Gelayî ji malpera fermî ya Yekîtiya Niştimanî ya Kurdistanê (PUKMEDIA) re ragihand:"Komîsyonê amadekariyên xwe ji bo hilbijartinên Parlamentoya Kurdistanê ranewestandiye û berdewam e û ofîsên komîsyonê li parêzgehên Herêma Kurdistanê kar dikin û rojane kartên dengdana biyometrîk pêşkêşî dengderan dikin."

Li gor zanyariyên PUKMEDIA yê, di heyama çar mehên borî de 818 hezar û 997 kartên nû yên biyometrîk hatine çapkirin, ji wan 290 hezar û 653 kartên dengderan hatine dayîn û 528 hezar û 344 kart jî mane ku bên belavkirin.

Li Herêma Kurdistanê 173 navendên tomarkirina dengderan hene û parvekirina kartên dengdanê berdewam e, heta niha li parêzgeha Hewlêrê 99 hezar û 972 kartên dengdanê, li parêzgeha Silêmaniyê 115 hezar û 326 kartên dengdanê û li parêzgeha Duhokê jî 75 hezar û 355  kartên dengdanê hatine parve kirin û  bi giştî 290 hezar û 653 kartên dengdanê li dengdêran hatine belavkirin.

Di çarçoveya amadekariyên komîsyonê de ji bo hilbijartinên Parlamentoya Kurdistanê, Komîsyona Bilind a Serbixwe ya Hilbijartinan dest pê kir.

Bi çapkirina nimûneyên pusûleyên dengdanê ku navên partî û hevpeymanan û hejmara namzedên beşdar di hilbijartinên parlamentoya Kurdistanê de ne, pusûleyên dengdanê çar form bo dengdana giştî û kaxezek taybet bo dengdana taybet, çar model ji bo Silêmanî, Helebce, Hewlêr  û Duhok, Çar pusûleyên dengdanê bo dengdana giştî û yek jî bo dengdana taybet.

PUKMEDIA