Îmarat: Êrîşa li ser Kormorê teror û binpêkirineke navdewletî ye

Ajans

Kêlgeha gaza Kormorê

Îmarat êrîşa terorîstî ya li ser kêlgeha gaza Kormorê li parêzgeha Silêmaniyê ku di encamê de 4 karmend hatin kuştin û çend kesên din jî birîndar bûn bi tundî şermezar kir û ew êrîş bi “terorîstî û binpêkirina prensîbên navneteweyî” bi nav kir.

Êvara roja 27.4.2024 Wezareta Derve ya Îmarat di daxuyaniyekê de ragihand:“Îmarat bi tundî êrîşên terorîstî yên bi armanca têkdana aramî û ewlekarîya Iraqê şermezar dike û binpêkirina eşkere ya prensîbên hiqûqa navneteweyî ye.’’

Wezareta Derve ya Îmarat di daxuyaniyekê de ragihand, welatê wan piştevaniya hemû tedbîrên Iraqê dike ji bo parastina serwerî, ewlehî û aramiya xwe û şerê li dijî terorê  ragihand:"Îmarat ji bo avakirina ewlehî û aramiyê alîkariyê dike.’’

Li kêlgeha gaza Kormorê 5 kompanya berhemanîna gazê dikin ku du ji wan jî Îmarat in  (Dana Gas) û (Hîlal) mezintirîn zeviya gaza xwezayî li Herêma Kurdistanê û Iraqê ye.

Êrîşa firokeyên bê firokevan cara duyemîn e îsal û komîteyeke lêkolînê ji aliyê Hikûmeta Iraq û Herêma Kurdistanê ve hatiye avakirin.

Êrîş li ser asta navxweyî û navneteweyî, di serî de Amerîka, Fransa, Brîtanya û Yekîtiya Ewropayê bû sedema bertekên lezgîn.Bi daxuyaniyê şermezar kirin û daxwaza lêpirsîna lezgîn û cezakirina kiryaran kirin.”

PUKMEDIA