Êrîşa balafirên bêmirov ên Kormorê bû sedema bertekên navneteweyî

PUKMEDIA

Kêlgeha gaza Kormorê

Wezareta Derve ya Amerîka, Balyozxaneya Amerîka û nûnerê Neteweyên Yekbûyî bi tundî êrîşa firokeyên bê firokevan li ser zeviya Kormorê ya li Çemçemal şermezar kirin û bû sedema bertekên navdewletî û dîplomatîk.

Êvariya îro Înê di encama êrişa balafirên bêmirov ên li ser zeviya gazê ya Kormorê de 4 karkerên yemenî hatin kuştin û hejmareke din jî birîndar bûn.

Wezareta Derve ya Amerîka vê yekê şermezar dike

Wezareta Derve ya Amerîka êrîşa firokeyên bê firokevan bo ser kêlgeha gaza Kormor şermezar kir û piştevaniya Washingtonê ji bo aramiya Herêma Kurdistanê û Iraqê dupat kir.

Berdevkê Wezareta Derve ya Amerîka Matthew Miller êrîş bi tundî şermezar kir û ragihand:"Amerîka bi tundî êrîşên li ser binesaziya enerjiyê ya Herêma Kurdistanê şermezar dike û ev êrîş binpêkirina serweriya Iraqê ye, ji ber wê jî em bang li rayedaran dikin ku lêkolînan bikin û êrîşkeran radestî dadgehê bikin."

Balyozê Amerîka: Kesên sûcdar derxin pêşberî dadgehê

Balyoza Amerîka li Iraqê Alina Romonavsky di peyamekê de li ser tora civakî ya X êriş bi tundî şermezar kir û got:"Em bi tundî êrîşa li ser kêlgeha gaza Kormorê şermezar dikin, ku ziyan gihandiye jêrxaneya enerjiyê ya Herêma Kurdistanê û bûye sedema gelek qurbaniyan."

Em bang li hikûmeta Iraqê dikin ku bi temamî li ser wê êrişê lêkolînan bike û berpirsan radestî dadgehê bike û Amerîka jî dê li gel hikûmeta Iraqê û Herêma Kurdistanê ji bo piştevanîkirina ewlehî, aramî û serweriya Iraqê berdewam be.” Balyozê Amerîka wiha dibêje.

Brîtanya: Êrîşa Kormoran nayê qebûlkirin

Balyozê Brîtanya li Iraqê Stephen Hitchens bi tundî êrişa firokeyên bê firokevan li ser tora civakî X şermezar kir û got: “Ev hewldaneke nayê qebûlkirin ji bo bidestxistina armancên siyasî û aborî bi rêya tundûtûjiyê.“Em êrîşa li ser qada gazê ya Kormorê şermezar dikin û divê berpirsyar hesab bidin. Balyozê Îngilistanê wiha dibêje.

UNAMI: Divê berpirsyarên êrîşê bên darizandin

Li gel şermezarkirin û sersaxiyê ji malbatên qurbaniyan re, bi bertekên navneteweyî jî “daxwaza lêpirsîn û cezakirina sûcdaran dikin.

Nûnerê Taybet ê Neteweyên Yekbûyî li Iraqê êrîşa li ser kêlgeha xaza Kormorê şermezar kir û got: “Em pêşwaziyê li lêpirsîna ji bo girtin û dadgehkirina berpirsên êrîşê dikin.

Nûnerê Taybet ê Neteweyên Yekbûyî li Iraqê (UNAMI) di peyamekê de li ser tora civakî ya X êrîşa li ser zeviya Kormorê bi tundî şermezar kir.

Nûnerê taybet ê Neteweyên Yekbûyî got: "Em bang dikin ku lêkolîn were kirin ji bo naskirin, girtin û dadgehkirina berpirsên êrîşê.

Roja Înê 26-4-2024 êrişa firokeyên bê firokevan li ser zeviya gazê ya Kormorê, duyemîn êrişa li ser zeviyê îsal bû û bû sedema ziyanên madî û mirovî, berê jî di 25-1-2024an de êrişeke mûşekî li ser zeviya Kormorê kiribû û ziyanên madî yên giran li zeviyê bûn. 

Meydana Kormorê ku di sala 2007an de li Qadir Keram hatiye avakirin, ji sedî 67ê elektrîka Herêma Kurdistanê dide santralên elektrîkê yên Çemçemal û Hewlêrê.

PUKMEDIA