Zêdetirî 107 hezar dengder dê kartên biyometrîk werbigirin

PUKMEDIA

Karta qeydkirina dengdêrên biyometrîk

Komîsyona Bilind a Serbixwe ya Hilbijartinan a Iraqê (IHEC)  ragihand:“Hefteya borî li Iraqê 52 hezar û 109 kertên biyometrîk ji dengderan re hatin dayîn ku Silêmanî bi 15 hezar û 758 kertên biyometrîk ji dengderan re di rêza yekem de ye û herî kêm jî li Kerkûkê bi 216 kertan di rêza yekem de ye.’’

Kartên nû yên biyometrîk nayên derxistin

Çavkaniyekî ji Komîsyona Hilbijartinan a Iraqê ji malpera fermî ya Yekîtiya Niştimanî ya Kurdistanê (PUKMEDIA) re ragihand;“Kartên ku ji hilbijêran re hatine vegerandin berê hatine nûkirin an jî dengdêrên nû ne, kartên wan qediyane û li wan hatine vegerandin.’’

Çavkaniyê han eşkere kir ku, bi sedema amadekariyên civîna şeşem a hilbijartinên Parlementoya Kurdistanê, ti kartên nû yên biyometrîk ji bo dengderan nayên dayîn, ji ber ku dema dawî derbas bûye.

Pêvajo li Hewlêr, Silêmanî û Duhokê hatiye rawestandin

Li gorî PUKMEDIA’yê, agahî û daneyên ku ji komîsyonê hatine wergirtine, pêvajoya derxistina kartên nû û nûkirina kartên biyometrîk yê dengdan li parêzgehên din ên Iraqê ji bilî Silêmanî, Hewlêr û Duhokê berdewam e û heftiya borî ji 19-24/4/2024, 17 hezar û 200 kartên nû li parêzgehên Iraqê hatin tomarkirin, lê li Hewlêr, Silêmanî û Duhokê prose rawestandine’’

Nêzîkî 125,000 hilbijêrên nû tomar kirine

Li gor zanyariyên ku PUKMEDIA ji Komisyona Hilbijartinan a Iraqê bi dest xistine, proseya tomarkirina dengdêran di 10-3-2024an de bi dawî bûye, bi giştî 124 hezar û 667 dengder di proseya dengdanê de bi xwe hatine tomarkirin.

Ji van 42 hezar û 14 hilbijêrên ku di sala 2006'an de ji dayik bûne cara ewil dengê xwe didin.Her wiha heftiya borî li Hewlêr, Silêmanî û Duhokê jî , li Silêmaniyê 15 hezar û 758 kertan,  li Hewlêrê 13 hezare  1727   û li Duhokê 7 hezar û 888 kartên biyometrîk ji bo dengderan hatine dayîn.

Kampanya 10’ê Gulanê dest pê dike

Berdevka Komisyona Bilind a Hilbijartinan a Iraqê Cumana Gelayî ji malpera fermî ya Yekîtiya Niştimanî ya Kurdistanê (PUKMEDIA) re ragihand:"Em xwe ji bo hilbijartinên bê yên Parlamentoya Kurdistanê di roja ku ji aliyê Serokê Herêma Kurdistanê ve hatiye diyarkirin de amade dikin û ji bo vê mebestê jî me gavên baş avêtin."

Gelayî got: "Li gorî biryarên encûmena komisyonan, helmeta hilbijartinan dê di 10ê Gulana îsal de dest pê bike û roja berî dengdana taybet roja 6ê Hezîrana 2024an bi dawî bibe û biryara dawî derbarê kampanyayê de bi komîsyonan re ye."

Berdevkê Komîsyona Hilbijartinan a Iraqê got:"Li gorî biryaran girtî, nexweş û xebatkarên tenduristiyê yên Herêma Kurdistanê di rojên taybet ên dengdanê de ku ji bo wan hatine diyarkirin, dê deng bidin."

PUKMEDIA