Serokomarên Iraq û Tirkiyeyê: Divê pirsgirêk bi diyalogê bên çareserkirin

PUKMEDIA

Serokên Iraq û Tirkiyê

Serokomarê Iraqê pêşwaziya Serokomarê Tirkiyê Recep Tayyip Erdogan kir û got:  “Pêwîste pirsgirêkên navbera her du aliyan bi diyalog û jihevtêgihiştinê bên çareserkirin.’’

Îro Duşeme 22-4-2024’an, Serokomarê Iraqê Letîf Cemal Reşîd li Koşka Selam a Bexdayê pêşwaziya Serokkomarê  Tirkiyê Recep Tayyip Erdogan û şanda pê re kir ,di civînê de  li ser xurtkirina peywendiyên di navbera her du welatan û mekanîzma pêşxistina hevkariyê di warên curbicur de gotûbêjên dualî kirin û tekez li ser pêwîstiya hemahengî û xebata hevbeş ji bo gihîştina çareseriyên guncaw ji bo pirsgirêkên ewlehî, aborî û çavkaniyên avê kirin.

Serokkomar  tekez kir:"Iraq pabend e ku têkiliyên bi Tirkiyeyê re ku di warên dîrokî, aborî, bazirganî û çandî de xizmeta berjewendiyên hevpar bike.Wan li hev kirin ku pirsgirêkên di navbera her du welatan de çareser bikin.

Serok her wiha tekezî li ser giringiya kar û hemahengiya hevbeş ji bo rûbirûbûna terorîstan, dabînkirina asayîşa hevbeş bo her du welatan û navçeyê, parastina sînoran û rûbirûbûna destdirêjiyên li dijî welatên cîran kir.

Di heman demê de, Serokomarê Tirkiyê kêfxweşiya xwe ji bo serdana Iraqê nîşan da û pêşketinên li Iraqê di astên cuda de bidest ketine bilind nirxand û tekîd li ser giringiya peywendiyên her du welatan û pêşxistina wan kir.

Erdogan got: "Her du welat di warên curbecur de bi peywendiyên cuda ve girêdayî ne ku xizmeta hevahengiya hevbeş dike û di berjewendiya gelên Iraq û Tirkiyê de ye."

PUKMEDIA