Talebanî: Divê rûtîn kêm bibe

PUKMEDIA

Talebanî bi rêveberiya Germiyanê re dicive

Cîgirê Serokwezîr Qubad Talebanî di duyemîn roja serdana xwe ya Germiyanê de bi Celal Şêx Nûrî çavdêrê îdareya Germiyanê û rêvebirê îdarê ew herema  re civiya.

Di civînê de ku roja duşemê (15.04.2024) li bajarê Kelarê hat lidarxistin, Cîgirê Serokwezîrê Herêma Kurdistanê berpirsên rêveberiya Germiyan erkdar kir ku ji bo asankariya zêdetir ji bo cîbicîkirina kar û barên welatiyan û xizmetkirina baştir ji rûniştvanên herêma Germiyan tedbîrên pêwîst bigirin. Wî got: ‘’ Ji bo xizmetkirina baştir ji welatiyan re, her dema ku pêwîstî pê hebe dê di postên îdarî yên herêmê de guhertinan pêk bînin.’’

Di beşeke din ya civînê de, Qubad Talebanî amaje bi wê yekê jî kir, ku ji bo bihêzkirina sektora taybet û handana zêdetir sermayedaran, divê rêveberiyên Germiyanê bi temamî ji bo sermayedaran re bên hêsankirin û rûtîn kêm bikin. Wî got ku ne tenê pêdivî ye ku hemî hêsankarî ji sermayedarên herêmê re were dabîn kirin, belkî divê kar were kirin ji bo handana sermayedarên deverên din ku berê xwe bidin rêveberiya Germiyanê û beşdarî vejandina aborî li herêmê bibin.

Cîgirê serokwezîr ji berpirsên rêveberiya Germiyan re got ku planek guncaw ji bo pêşxistina sektorên çandinî û geştiyariyê amade bikin ku bi jîngeh û şiyanên herêmê re hevaheng be.

Di civînê de piştî guhdarîkirina daxwaz û pirsgirêkan, Qubad Talebanî biryar da ku çend daxwazên rêveberiyên rêveberiya Germiyanê çareser bike.

PUKMEDIA