Kesayetên xwedî bandor dê beşdarî civîna Silêmaniyê bibin

PUKMEDIA

Heştemîn Civîna Silêmanî

Civîna 8emîn a Silêmaniyê ku yekemîn lûtkeya siyasî ya mezin li Iraq û herêma Kurdistanê  ye, dê di 17 û 18ê Nîsanê de bi hevkariya Chatham House, Enstîtuya Rojhilata Navîn, The Century International, Enstîtuya Aştiyê ya Amerîkî, Instituto Affari Internazionali, Koma Krîzê ya Navneteweyî û Navenda Plansazkirin û Lêkolînê ya Albayan were lidarxistin.

Civîn dê li zanîngeha Amerîkî ya Silêmaniyê birêve biçe û dê mazûvaniya kesayetiyên bibandor ên Ewropa, Rojhilata Navîn û Amerîka bike û li ser mijarên giring û çareseriyên guncaw gotûbêj bike.
Civîna Silêmaniyê yek ji girîngtirîn platformên gotûbêj û pêşniyarkirina çareseriyên nû ji bo pirsgirêkên Iraq û navçeyê tê dîtin.

Civîna Silêmanî ya heştem li ser çawaniya beşdarkirina çalakvan û lêkolîneran di belgekirina ziyanên jîngehê û pêşxistina hişyariya bikaranîna wê de, herwiha gotûbêjkirina nakokiyên navçeyî, kirîza mirovî li Xezayê, çareseriyên enerjiyê yên berdewam û mijarên girîng li Iraq û navçeyê ye birêve biçe.

Civîna Silêmanî her sal zêdetirî 500 mêvan ji siyasetmedar, çalakvan, rojnamevan û zanyarên cîhanê dicivîne.Civîna heştem dê du rojan berdewam bike û dê li Silêmaniyê bê lidarxistin.

Civîna Silêmanî ya yekem di sala 2013an de li zanîngeha Amerîkî bi sernavê “Guhertina Jeopolîtîk li Rojhilata Navîn”, civîna duyemîn di sala 2014an de, civîna sêyemîn di sala 2015an de, civîna çaremîn di sala 2016an de, civîna pêncemîn di sala 2023an de Civîna heftemîn bi sernavê “Piştî 20 salan Îraq û navçe di nava pirsgirêkên nû yên cîhanî de” hat lidarxistin.

PUKMEDIA