Serok Komar: Profîsor Îbrahîm Ehmed jiyana xwe ji bo xizmeta gel terxan kir

PUKMEDIA

Mezara Îbrahîm Ehmed

Li bajarê Silêmaniyê bi amadebûna Serok Komar Dr. Letîf Cemal Reşîd û hejmarek ji berpirsên hizbî û hikûmetê, merasîmên bîranîna salvegera koça dawî ya têkoşer mamosta Îbrahîm Ehmed birêve çû.

Di merasima han de Serok Komarê di daxuyaniyekê de bo rojnamevanan got: Divê em her roj bîranîna nemir Profîsor Îbrahîm Ehmed bi bîr bînin, ev mirovê ku bi nivîs û siyasetên xwe jiyana xwe ji bo xizmeta gelê xwe kiriye û dive em ji dewlemendiyên wî sûd werbigirin.

Serokê Komarê got jî: Rehmetî Îbrahîm Ehmed di hemû warên wêjeyî, siyasî û mirovî de kesayetiyek mezin bû û ez şanaz bûm ku demeke dirêj li gel wî jiyan bikim.
Wî got: Îbrahîm Ehmed sembola tevgera siyasî û çandî ye û stûneke bingehîn a afirîneriya wêjeyî tê hesibandin, felsefeya wî ya siyasî neteweyî bû, û wek kesayetek neteweyî tê naskirin û piraniya nivîs û berhemên wî li ser mijarên netewî dizivirin. û hertim li dijî zulm û zordariya dagîrkerên Kurdistanê rawestiya. Tekoşerekî taybet bû û xwedî taybetmendiyên rêbertiyê bû ku bi  sadebûna jiyanê ve dihat naskirin, tu carî xwe ji berpirsiyariyê dûr nedixist .


PUKMEDIA