Serok Bafil: Em pabend in ku hilbijartin di roja diyarkirî de bên lidarxistin

Nivîsgeha Ragihandina Serok Bafil

serok Bafil û Balyoza Amerîka li Êraqê Elena Romanowski

Serokê Yekîtiya Niştimanî ya Kurdistanê Bafil Celal Talebanî li Bexdadê li gel Balyoza Amerîka li Êraqê Elena Romanowski civiya.

Her li vê hevdîtinê de her du alî pêşhatên dawî yên siyasî, aborî û ewlehî gotûbêj kirin û tekez li ser pêwîstiya hemahengî û hevkariya zêdetir di navbera hêz û aliyên siyasî de bi armanca derbaskirina pirsgirêkan û parastina aramiya welat kirin.

Herweha pirsgirêkên navbera Hewlêr û Bexdayê, dahatên darayî yên Herêma Kurdistanê û dosyaya hilbijartinan hatin gotûbêjkirin û di vê derbarê de Serok Bafil Celal Talebanî got: Ji destpêkê ve hewlên Yekîtiya Nîştimanî bo parastina mûçeyên karmendan li Herêma Kurdistanê bû û bi nakokiyên siyasî re neyê tevlihevkirin û di dawiyê de jî bi hewldana serokwezîr û dadgehê federal û dostên Kurdan vê pirsgirêkê çareser kirin.

Got jî: Yek ji karên pêşîn ên xebata me dabînkirina jîyaneke bi rûmet ji bo gelê me ye, emê hemû hewlên xwe di vî warî de bidin û em hêvîdar in ku hemû alî bi heman ruhî kar bikin ji bo bidestxistina armancên bilind.

Di derbarê hilbijartinên Parlementoya Kurdistanê de jî Serok Bafil Celal Talebanî got: Em rêzê li biryaran digirin û rijd in li ser lidarxistina helbijartinan di roja diyarkirî de û em dixwazin prose bi awayeke şefaf û paqij birêve biçe û daxwazên hemû aliyan bicih bînin.


PUKMEDIA