Zêdetirî 800 namzed ji bo hilbijartinên parlemanê hevrikiyê dikin

Kurdistan 09:44 AM - 2024-04-03

Logoya Komisyona Hilbijartinan û Parlemana Kurdistanê

Komisyona Bilind a Serbixwe ya Hilbijartinan hejmara namzedên hilbijartinên Parlamentoya Kurdistanê eşkere kir û da zanîn ku, beşa Çavdêriyê kar bo piştrastkirina navan dike.

Berdevka Komisyona Bilind a Serbixwe ya Hilbijartinan Cumane El-Gelayî di daxuyaniyeke taybet de ji PUKMEDIA re ragihand: Hejmara namzedên hilbijartinên sala 2024ê yên Parlamentoya Kurdistanê gihîştiye zêdetirî 800 namzedên ku mafê beşdariya di hilbijartinan de heye.
Wê got jî: Beşa Karûbarên Namzedan niha kar li ser piştrastkirina daneyan li Komîsyona Hilbijartinan dike, û piştre dê nav ji dezgehên taybet re bên şandin ji bo piştrastkirina mafê namzedan.

Pejirandina mekanîzmayên hilbijartina karmendên dengdanê

 

Cumane Gelayî dibêje: Desteya Çavdêran mekanîzmaya hilbijartina karmendên dengdanê pejirand, Komîsyonê komîteyek navendî ji bo bijartina karmendên dengdanê ku ji nûnerên dezgehên komîsyonê pêk tê pêk anî, û merc hene ku daxwazkar wek dengdanê kar bike.

Wê got: Di nav şert û mercan de ji bo karmendên dewletê ew e ku bi kêmanî bawernameya dibistana navîn hebe û ne kêmtir ji 19 salî be.

Cumana El-Gelayî dibêje: Komîsyona Bilinda Serbixwe ya Hilbijartinan a Êraqê amadekariyên xwe ji bo lidarxistina hilbijartinên Parlamentoya Kurdistanê bi pêş ve diçe û tekez dike ku kêşana jimareyan dê roja 7-4-2024 were kirin.

Wê got jî: Desteya Komisyonê biryar da ku jimare ji bo hevpeymanî, partiyên siyasî û kandîdên takekesî li demjimêr deh sibeha roja 7ê Nîsana 2024an li baregeha Komisyonê li Bexdayê xêz bike.

PUKMEDIA