Dema wergirtina lîsteyên namzedan hat dirêjkirin

PUKMEDIA

Hilbijartin

Yekîtiya Niştimanî ya Kurdistanê ji bo beşdariya di hilbijartinên Parlamentoya Kurdistanê de lîsteyên namzedên xwe yên li çar bazneyên helbijartinan amade kirine û di heyama diyarkirî de dê lîste radestî Komîsyona Bilind a Serbixwe ya Hilbijartinan were kirin.

Berdevkê Yekîtiya Niştimanî ya Kurdistanê Saidî Ehmed Pîre ji PUKMEDIA re ragihand: Yekîtiya Niştimanî lîsteyên namzedên xwe ji bo beşdariya di hilbijartinên Parlamentoya Kurdistanê de amade kirine û li her çar bazneyên hilbijartinê lîstê xwe hene û dê di dema diyarkirî de lîsteyan pêşkêşî komnîsyonê bikin.

Got jî: Serokê Yekîtiya Niştimanî ya Kurdistanê Bafil Celal Talebanî ewê serokên lîsteyên Yekîtiya Niştimanî li bazneyên hilbijartinan diyar bike û herwiha dê serperiştiya xebat û meşandina piroseyê bike.

Got jî: Yekîtiya Niştimanî lîsteyên xwe yên berbijêr bi berçavgirtina rêjeya beşdariya jinan di hilbijartinan de amade kiriye, ku %30ê hejmara namzedên wê ye û amade ye hilbijartinên Parlamentoya Kurdistanê di roja diyarkirî de birêve biçe 6/10/2024.

Dema dawî ya wergirtina lîsteyên berbijêran

 Komîsyona Bilind a Serbixwe ya Hilbijartinan dema dawî ya wergirtina lîsteyên namzedên ku dixwazin beşdarî hilbijartinên Parlamentoya Kurdistanê bibin eşkere kir.

Berdevka Komisyona Bilind a Serbixwe ya Hilbijartinan Cumene El-Gelay ji PUKMEDIA re ragihand: Roja dawî ya wergirtina lîsteyên namzedên hevpeymanî, partiyên siyasî û kesên ku dixwazin beşdarî hilbijartinên Parlamentoya Kurdistanê bibin, roja yekşemê bi dawîbûna demjimêrên fermî ye 31/3/2024.

Çawaniya pêşkêşkirina lîsteyên namzedan

Derbarê çawaniya pêşkêşkirina lîsteyên namzedan bo Komisyonê, Cumana El-Ghelayî got: Serokê hevpeymaniyê yan partiyê dikare lîsteyên namzedan pêşkêş bike û her kesê ku vê yekê bike jî dikare destûr jê re were dayîn, bi mercê ku îmzeya li ser lîsteyan tenê ji aliyê Serokê hevbendî an jî partiyê  ve bê, û eger ji yek lîste zêdetir bên pêşkêşkirin, lîsteya dawî tê pejirandin.”
Wê got: Her dema ku partiyek siyasî berî bidawîhatina dema pêşkêşkirina lîsteyên berbijaran ji hevpeymaniya siyasî vekişe, divê hevpeymanî ji vê yekê agahdarî bide Wezareta Karûbarên Partî û Rêxistinên Siyasî û piştre lîsteyek nû ya berbijêran pêşkêş bike. Her wiha piştî bidawîbûna dema pêşkêşkirina lîsteyên namzetan mafê ti partiyekê nîne ku ji hevpeymaniyê vekişe.


PUKMEDIA