Li Hewlêrê mûçe hatin desteserkirin û li Silêmaniyê jî xwepêşandan tên lidarxistin

PUKMEDIA

Meaşên karmendan

Xebatên YNK’ê yên ji bo berjewendiya mûçeyên karkeran û vegerandina mafên wan berdewame, li ser parastina mafên mamosta û karmendan li Herêma Kurdistanê siyaseteke bê guhertin ya YNK heye. Hewldanên pûç ên her aliyek ji bo berevajîkirina rastiyan bandor nake li ser YNKê.Li Hewlêrê mûçe hatiye rawestandin  û li Silêmaniyê jî xwepêşandan tên lidarxistin.

Jêderekî ji YNKê ji PUKMEDIA re ragihand: "Serok Bafil Celal Talebanî û tîma YNKê di Hikûmeta Herêma Kurdistanê û Hikûmeta Federal de, bi awayekî gelek vekirî û bi baldarî hewlên xwe zêde kirine ji bo Çareseriya radîkal ji bo pirsgirêkên mûçeyên fermanberên herêmê, hewla dawîn ya  Duh fraksiyona YNKê û tîma YNKê li gel serokwezîrê Hikumeta Federal  civiyan, lê îro partiyek siyasî li Silêmaniyê sûdmend bû nemana xwepêşandanên mamosta û karmendên Herêma Kurdistanê û bi rêya kadroyên xwe hewlên ji bo xapandinê û we rastiyan berovajî dikin. ”

Çavkaniya YNKê ragihand :"Em dixwazin ji hemû Kurdistaniyan re bêjin ku her çend siyaseta YNKê ji bo parastina mafên mamosta û karmendan li Herêma Kurdistanê neguheriye, mûçeyên karmendan li Hewlêrê ji aliyê tîma PDKê ya Hikûmeta Herêma Kurdistanê ve hatiye desteserkirin, ne ku li Silêmaniyê.”

Pere heye û bi biryara siyasî mûçe ji Hewlêrê nayê parvekirin

Li gor zanyariyên PUKMEDIA, Hikûmeta Herêma Kurdistanê di van mehên borî de kêmasiya mûçe bi pereyên Bexdayê tijî kiriye.Nêzîkî 1 trîlyon dînar ji dahata navxweyî di sê mehên borî de hatiye, ji bilî 1.226 trîlyon dînar ji Bexdayê di sê mehên yekem ên îsal de, bi giştî zêdetirî 2.2 trîlyon dînar e, ku tenê 949 milyar dînar ji bo mehekê xerc kirine bo meaş .

Çavkaniyê han eşkere kir ku pêwîste hemû alî li gel karmend û mamostayan zextê li ser tîma PDK li hikûmeta Herêma Kurdistanê bikin daku biryarê li ser parvekirina  miaş li Hewlêrê bidin,her aliyek ku bixwaze senaryoyek din çêbike bêguman rastiyan dixapîne û xizmeta wê partiyê dike ku ji bo mebestên siyasî mûçeyên karmendan girtiye.

Her çendî çarenivîsa mûçeyên meha Çiriya Pêşîn, Çiriya Paşîn û Kanûna Pêşîn a sala borî ne diyar e, lê di sê mehên derbasbûyî yên îsal de, hikûmeta Herêma Kurdistanê tenê mûçeyê mehekê parve kiriye û pere jî ji bo parvekirina mûçeyê meha Sibatê heye û ji ber lîstika siyasî ya ekîba PDK'ê ya di nava hikûmetê de belavkirin jî hatiye rawestandin.
PUKMEDIA