Mekteba Siyasî: Newroz cejna azadî û rûbirûbûna neheqî û zulmê ye

PUKMEDIA

Newroz

Îro Çarşemê, polîtburoya Yekîtiya Niştimanî ya Kurdistanê bi boneya hatina cejna Newrozê û sersala 2724ê ya Kurdistanê peyameke pîrozbahiyê belav kir.

Mekteba Siyasî di peyama xwe de got: Bi boneya hatina cejna netewî ya Newrozê û sersala 2724`an a kurdî, germtirîn pîrozbahiyên xwe pêşkêşî girseyên gelê Kurdistanê dikin û em hêvîdar in Newroza îsal bibe sedem ji bo guhertinên siyasî û hilbijartinan bo xizmetkirina zêdetir ji gelê me re û pêşxistina asta jiyana wî.

Mekteba Siyasî got jî: Di dîroka gelek kesan de cejna Newrozê tê wateya bihar, nûbûn, xweza û jiyanê û bi taybetî di jiyana neteweperweriya Kurdî de cejna azadî û rizgariyê û sembola têkoşîn û rûbirûbûnê neheqî û çewsandinê ye. Di stasyona serhildana sala 1991ê de, Newroz cejna azadî û niştimanperweriyê bû, roja azadkirina Kerkûkê, Qudsa Kurdistanê bû û taca serkeftinê danî ser serê xwe.

Got jî: Newroza îsal mizgîniya qonaxeke din a têkoşîna medenî ye, ku hilbijartinên Parlamentoya Kurdistanê ye, ji bo vê erkê têkoşînê û bi ruhê azadîxwaziya Newrozê, em li benda serkeftineke mezin ji bo Yekîtiya Niştimanî ya Kurdistanê û ezmûna gelê xwe ne, ji bo serrastkirina rêbaza desthilatdariyê û dabînkirina jiyan û jiyana baştir ji bo welatiyan bê.


PUKMEDIA