Konsolosxaneya Amerîka: Nehêlin karesateke gemar ya wek Helebçeyê dubare bibe

U.S. Consulate General Erbi

Logoya Konsulxaneya Amerîka li Hewlêrê

Konsolosxaneya Amerîkayê ya li Hewlêrê di salvegera kîmyabarana Helebceyê de wiha got:“Di vê salvegera xemgîn de, ku roja şînê ye ji bo hemû Iraqiyan, bi taybetî li Herêma Kurdistanê, emê bi hev re berdewam bin ji bo ku careke din karesateke wiha hovane pêk neyê û prensîbên aştî, têgihiştin û piralîbûnê bi pêş bixin.’’

Konsulxaneya Amerîkayê ya li Hewlêrê li ser hesabê xwe yê Facebookê peyamek belav kir û ragihand:“Îro 36’emîn salvegera komkujiya Helebçeyê ye ku rejîma berê ya Sedam Husên çekên kîmyayî bikar anîbû û tenê di 20 xulekan de zêdetirî 5 hezar sivîlên bêguneh hatin kuştin û zêdetirî 10 hezar kesên din jî bi giranî birîndar bûn.’’

Her wiha got:“Di vê salvegera xemgîn de ku roja şînê ye ji bo hemû gelên Iraqê û bi taybetî li Herêma Kurdistanê, Konsulxaneya Amerîkayê ya li Hewlêrê bi hemû gelên cîhanê re beşdarî bîranîna şehîd û birîndaran dibe. Em ê bi hev re xebatên xwe bidomînin da ku carek din trajediyên bi vî rengî yên hov neqewimin û prensîbên aştî, têgihiştin û pirrengiyê bi pêş bixin.”
PUKMEDIA