Serok Bafil: Di xizmetkirina Helebce de cihêkarî heye

Nivîsgeha Ragihandinê ya Serokê YNKê

Salvegera kîmyabarana Helebce

Serokê Yekîtiya Niştimanî ya Kurdistanê (YNK) Bafil Celal Talebanî bi boneya salvegera kîmyabarana Helebce peyamek belav kir û got:“Mixabin îro dema em vê tawana mezin bi bîr tînin, gelek gilî û kêm xizmet hene, cihêkarî di xizmetguzariyê de û ya ku ji Helebce û Helebceya serbilind re tê pêşkêşkirin, tenê di çarçoveya dirûşm û sozên bê kiryar de maye.’’

Di peyama Serok Bafil de wiha tê gotin:"Pêwîste berpirsyariya li hember ax û welat şûna fikra cihêkariyê bigire û xizmet ji bo her kesî be. Pêwîstiya Kurdistanê bi yekîtî û hevgirtinê heye, ne parçebûn û dûrbûnê. Divê em cudahiyan bikin xizmeta berjewendiyên hevpar û ji bîr nekin ku çarenûsa me yek e. ‘’
Nivîsa peyama Serok Bafil
Em îro û di her rojên jiyana xwe de şehîdên jenosîda Helebçe û berxwedana xizmên wan ên serbilind bi bîr tînin.

Mixabin îro dema em vê tawana mezin bi bîr tînin, gelek gilî û kêm xizmet hene, cihêkarî di xizmetguzariyê de û ya ku ji Helebce û Helebceya serbilind re tê pêşkêşkirin, tenê di çarçoveya dirûşm û sozên bê kiryar de maye.  Ew karesata ku bi serê wî bajarî de hat, diviya bû ji bo me kurdan derseke dîrokî ya mezin bibûya û em bi ruhekî netewî û berpirsiyarane bi hev re xebat bikirana ku hêviyê vegerînin û pêşerojeke geş û aramtir ava bikin.

Divê ji her kesî re zelal be ku pêwîstiya gelê Helebce û tevahiya Kurdistanê ne hizirkirina teng û hewldana ji bo berjewendiyên taybet e, xizmetkirin û axaftin ji bo daxwazên rewa ye. Berpirsiyariya li hember ax û welat divê cihê ramana cihêkar bike û xizmet ji bo her kesî be. Pêwîstiya Kurdistanê bi yekîtî û hevgirtinê heye, ne parçebûn û dûrbûnê, divê em nakokiyên xwe bixin xizmeta berjewendiyên hevbeş û ji bîr nekin ku weke Kurd çarenivîsa me yek e.

Silav li ser ruhê şehîdan û sersaxiyê ji malbatên wan re

Bafil Celal Talabanî

Serokê Yekîtiya Niştimanî ya Kurdistanê

PUKMEDIA