Du hevpeymanî û 20 partiyên siyasî beşdarî hilbijartinan dibin

PUKMEDIA

Hilbijatin

Îro pênşemî 14.03.2024ê dema ku hatibû diyarkirin ji bo tomarkirina navên partiyên siyasî û hevpeymanan ji bo beşdariya di hilbijartinên Parlamentoya Kurdistanê de ku biryar bû 10.06.2024 birêve biçe, bidawî hat.

Di vê derbarê de Rêveberê Giştî yê Karûbarên Partî û Rêxistinên Siyasî li Komisyona Bilind a Serbixwe ya Hilbijartinan Dr. HêmIN Tehsîn Hemîd ji malpera fermî ya Yekîtiya Niştimaniya Kurdistanê PUKMEDIA re ragihand: “Heta bidawîhatina karê fermî Îro pênşemê saet di dema ku Komîsyona Hilbijartinan a ji bo tomarkirina partî û hevpeymaniyan diyar kiribû bi dawî bû, 2 hevpeymanî, 20 partiyên siyasî û 62 berbijêrên serbixwe hatin tomarkirin.”
Dr. Hêmin Tehsîn her wiha got: Derbarê tomarkirina namzedên serbixwe û namzedên partiyên siyasî de, proseya tomarkirina namzedên serbixwe dê heta roja 22.3.2024 bi dawî were.

Tomarkirina Hevpeymaniya roja 5-32024 hate vekirin û heta îro pênşemê 14/3/2024 tomarkirin li baregeha karûbarê partî û rêxistinên siyasî li baregeha sereke ya komîsyonê li Bexdayê hate kirin. herwiha li navendên hilbijartinan li parêzgehên Herêma Kurdistanê.



PUKMEDIA