Terorîstekî xwedî pileya leşkerî hat girtin

Rêveberiya Giştî ya Asayîşê - Silêmanî

Logoya Asayîşa Herêma Kurdistanê

Rêveberiya Operasyonên Asayişa Herêma Kurdistanê bi hemahengî ligel Ajansa Dijî Terorê ya Iraqê terorîstekî DAIŞê li parêzgeha Kerkûkê girt.

Di daxuyaniyekê de Asayîşa Herêma Kurdistanê ku kopiya wê ji PUKMEDIA re hatiye şandin tê gotin:’’ “Rêveberiya Operasyonên Asayişa Herêma Kurdistanê bi hemahengî ligel Ajansa Dijî Terorê ya Iraqê li gundê (Çîman) a ser bi parêzgeha Kerkûkê terorîstek girtin.’’

Her wiha di raginahdinê hatiye gotin:"Li ser bingeha pevguhertina zanyariyên istixbaratî di navbera dezgehên ewlehiyê yên Iraqê , dezgeha ewlehiyê û hêzên Rêveberiya Operasyonên Asayişa Herêma Kurdistanê karîn cihê veşartina çekdarekî DIŞIê yê ku dihat xwestin bibînin û çavdêriyê bikin.

Gumanbarekî DAIŞê, bi navê (JMC) ji neteweya Ereb û pileya leşkerî di wê rêxistinê de hebû, di rêya Sûriyê re hatibû Iraqê, di 4/3/2024ê de hat girtin, gumanbar niha li gor madeya (4) ya terorê hatiye girtin Doza wî radestî qanûnê hatin kirin.”
PUKMEDIA