Yekîtiya niştimanî... xizmeta welatiyan li navçeyê û berevaniya maf li Bexdadê

Kurdistan 01:32 PM - 2024-03-07

Logoy Yekîtî û Êraq û Herêm

Yekîtiya Niştimanî ya Kurdistanê wek berê endezyar û agir vêxistina serhildana gelê Kurdistanê bû, niha jî ji bo şopandina rêya serokê nemir Mam Celal û biryarên kongireya pêncem a ji bo xizmetkirina gelê Kurdistanê dixebite, û li paytext Bexda jî berevankarê rastî yê mafên rewa yên gelê Kurdistanê ye.

Serok Bafil: Em destûra bingehîn a Kurdan li Bexdadê diparêzin

 

Serokê Yekîtiya Niştimanî ya Kurdistanê Bafil Celal Talebanî bi boneya salvegera serhildana gelê Kurdistanê di peyamekê de ragihand: Em bi vê yekê dizanin ku rexne gelek in û armancên ku ji bow ê xwîn hatibûn rijandin wek tê xwastin pêk ne hatine,, ji ber ku xizmetguzarî ne di asta pêwîst de ne, lê wek ku me berê jî soz dabû we ku em ê vê rêya xelet a siyasetê rast bikin û destûrê li navenda biryarên siyasî yên Bexdayê de biparêzin, em dûpat dikin ku Yekîtiya Niştimanî qet nabe hêzek ku pişta xwe bide gelê xwe.

Yekîtiya Nîştimanî dev ji xizmeta welatiyan bernade

 

Endamê Encumena Serkirdayetiyê û Berpirsê Navenda Rêxistina Silêmaniyê ya Yekîtiya Niştimanî Ziyad Cebar ji PUKMEDIA re ragihand: Yekîtiya Niştimanî wekî berê pêşenga daxwazên nifşên serhildanê û avakirina Sîstema desthilatdariyê li Herêma Kurdistanê bû, niha bi nêrîneke nû û nûjen ji bo çareserkirina pirsgirêkên siyasî û aborî û xêzkirina giyana serhildanê kar dike.
Got jî: Yekîtiya Niştimanî ya Kurdistanê bi şopandina rêbaza serokê nemir Mam Celal û biryarên kongireya pêncem, li ser mafên rewa yên gelê me tawîz nade û rêya hukimdariyê û karê wê serast dike. Girîngiyê didei dabînkirina mûçe û parastina can û mal û milkên welatiyan û pêşxistina demokrasî û azadiya derbirînê ye û di heman demê de kar ji bo bihêzkirina peywendiyan bi hikûmeta federal re dike ji bo peydakirina mafên darayî yên destûrî ji gelê Kurdistanê re.

Yekitiya Neteweyî hilgirê meşaleya rê rastkirinê ye

 

Endamê Encumena Serkirdayetiyê û Berpirsê Navenda Rêxistina Soran a Yekîtiya Niştimanî ya Kurdistanê (PUKMEDIA) Xidir Mistefa dibêje: Yekîtî weke berê hilgirê meşaleya serhildanê , azadiyê ye, niha meşaleya serrastkirina rêbaza rêveberiyê û xizmetkirina welatiyan hildigire.
Got jî: Stratejiya ku niha Yekîtiya Niştimanî ya Kurdistanê li ser kar dike bo bexteweriya welatiyan û dabînkirina pêdiviyên wan, berdewamiya nêzîkatiya Serok Mam Celal e û pêngavên vê dawiyê yên Serok Bafil Celal Talebanî tekez dikin ku Yekîtiya Niştimanî bi awayekî piraktîkî kar ji bo xizmetkirina welatiyan dike.

PUKMEDIA