Serok Bafil: Em israr dikin ku hilbijartinên adil di dema xwe de bên kirin

Ofîsa Serok Bafil Celal Talebanî

Serok Bafil u Cîgira Alîkara Wezîrê Derve yê Amerîka

Serokê Yekîtiya Niştimani ya Kurdistanê (YNK) Bafil Celal Talebanî li baregeha mekteba siyasî ya Hewlêrê pêşwaziya Cîgira Alîkarê Wezîrê Derve yê Amerîkayê Victoria Tailor kir.

Di hevdîtinê de ku Konsulê Giştî yê Amerîkayê li Herêma Kurdistanê Mark Straw tê de amade bû, pêşhatên dawî yên siyasî, aborî û emnî yên li herêmê, Iraq, navçeyê û pirsa hilbijartinên parlamentoya Kurdistanê hatin gotûbêjkirin. Dubare berdewamiya diyaloga avaker di navbera hêz û aliyên siyasî de ji bo parastina aramiyê û derbaskirina kêşeyan tekez kirin.

Di civînê de behsa rol û rola hêzên hevpeyman li paşerojê di şerê dijî terorîstan de û alîkariyên wan bo hêzên çekdarên Herêma Kurdistanê û Iraqê hate kirin û di vê derbarê de Serok Bafil got:“Pêwîste mayîna hêzên hevpeyman li gorî rasteqînî û pêwîstiyên îro yên herêmê be û bibe alîkar bo aramiya herêmê, ji bo vê yekê jî em piştevaniya danûstandinên di navbera hikûmeta Iraqê û hevpeymaniyê de dikin daku bigihin têgihiştineke hevbeş ku xizmeta aştî û ewlehiyê bike.’’

Pirsa  hilbijartinên Herêma Kurdistanê mijareke dinê vê hevdîtinê bû û di wê hevdîtinê de nêrînên xwe danustandin û di vê derbarê de Serok Bafil got: “YNK’ê tekezî li ser lidarxistina hilbijartinên adil di dema xwe de dike û hewlên me jî ew bû ku sîstemeke ku rewşa niha ya herêma me nîşan bide û bingehên demokrasiyê bihêz bike.’’

Her wiha got:"Hilbijartinên ku dibûn, ezmûna herêmê xirab dikirin, ne ku wê bihêztir bikira." 
PUKMEDIA