Parlementarên beşdarnabûyî tên sizakirin

Kurdistan 01:31 PM - 2024-03-03

Encumena Nûneran

Biryara Serokatiya Meclisa Nûneran ya ji bo cezakirina parlamenterên ku beşdarî civînên Encûmenê nabin ket ware cîbicîkirinê û wê ji mûçeyên wan a mehane bibrin.

Wê 170 milyon dînar bê birîn

Çavkaniyekî agehdar ji Encumena Nûneran ji PUKMEDIA yê re ragihand: Biryara Serokatiya Parlamentoyê ya derbarê sizakirina nûnerên ku di civînên encûmenê de beşdar nabin wê ji mûçeyên mehane yên wan bê birîn, û bi giştî mehane 170 milyon dînar dike.

Çavkaniyê amaje bi wê yekê jî kir: eger her nûnerek di rûniştinekê de neamade be, milyonek dînar ji mûçeyê wî tê kêmkirin û 500 hezar dînar jî ji beşdarnebûna wî di her komîteya parlamentoyê de tê birîn.

Birîna Mûçe

Nûnerê Yekîtiya Niştimanî ya Kurdistanê Biryar Reşîd di daxuyaniyeke taybet de ji PUKMEDIA re ragihand: Serokatiya Encûmena Nûneran biryar da ku mûçeyê nûnerên ku di civînên encûmenê de ne beşdar bûn, were paşxistin.

Hebûna parlementeriyê lawaz bûye

Nûner Biryar Reşîd dibêje: Ev biryar ji ber beşdarnebûna nûneran di civînên encûmenê de û lawazbûna hebûna parlamentoyê piştî bidawîhatina civîna yasayî hat.
Got jî: Serokatiya civata nûneran ev biryar bi sedema dûbarebûna pirsa nebûna hemahengî û nemana nûneran bê hincet û sedemên yasayî da.

Ev biryar her hebûye

Parlementarê serbixwe Yusif Kilabî di daxuyaniyekê de ji PUKMEDIA re ragihand ku Ev biryar her di sîstema navxweyî de hebûye, û ji ber beşdarnebûna hin fireksiyonan di rûniştinan de hat aktîvkirin, got jî: mûçeya parlemantar 7 milyone û mehane 8 civîn encumena nûneran hene û her parlementarek ku di her rûniştinekê de beşdar nebin milyonek ji mûçeya wî tê birîn.

PUKMEDIA