Li herêmê zêdeyî 3,5 milyon dengder hene

Kurdistan 11:45 AM - 2024-02-26

Kertê Beyometrî

Li Herêma Kurdistanê 3 milyon û 789 hezar û 360 dengder hene, ji nav wan ji 2 milyon û 842 hezar û 503 dengderan re kerta beyometrî çêkirin. Berdevkê komisyonê dibêje: di heyama 25 rojên derbasbûyî de zêdetir ji 85 hezar kertên dengdanê hatine çêkirin.

Nêzîkî 3 hezar dengder kert birine

Berdevka Komisyona Bilind a Serbixwe ya Hilbijartinan di daxuyaniyekê de ji malpera fermi PUKMEDIA re ragihand ku: 1-12-2023 dest bi dabeşkirina kerta beyometrîk hatiye kirinû ji 3 milyon û 789 hezar û 360 dengder hene, ji nav wan ji 2 milyon û 842 hezar û 503 dengderan re kerta beyometrî hatiye çêkirin.

Got jî: Nêzîkî 2850 dengder kartên xwe yên nû heta 22.02.2024 wergirtine, di dema ku proseya tomarkirinê ji destpêka vê mehê de dest pê kir û 85.200 kartên nû hatin derxistin.
Li gor zanyariyên PUKMEDIA, heta niha nêzîkî sêyeka dengdêrên herêmê kertên xwe yên bîyometrî wernegirtine û hejmara wan 946 hezar û 857 dengderan e û proseya tomarkirinê heta niha berdewam e, ji ber ku Komîsyona Hilbijartinan bang li van dengderan dike ku biçin navendên tomarkirinê a komisyonê û karta dengderan derdixin.

Komîsyonê dest bi amadekariyên proseya kir

Berdevka Komîsyona Hilbijartinan diyar kir: Me di komîsyonê de dest bi amadekariyên pêşwext ji bo hilbijartinên Parlamentoya Kurdistanê kiriye, weke nûkirina tomarên dengderan û tomarkirina dengderên nû yên jidayikbûna sala 2006an, ev pêngavên amadekariyê yên giring in li gorî pîvanên navdewletî. Lê Komîsyon dê bi temamî ji bo lidarxistina hilbijartinan di Hezîrana bê de amade be. tekez kir ku “Komîsyona Bilind a Serbixwe ya Hilbijartinan li Êraqê organa cîbicîkar a hilbijartinên Parlamentoya Kurdistanê ye, ji ber wê jî komîsyon dê rênimayiyên pêwîst ên ku garantiya helbijartinan dike ragihîne

PUKMEDIA