Komîsyona Hilbijartinan: Em ji bo hilbijartinên Parlamentoya Kurdistanê amade ne

PUKMEDIA

Parlementoya Kurdistanê

Komisyona Bilind a Serbixwe ya Hilbijartinan ragihand ku wan destpêka meha Hezîranê weke roja lidarxistina hilbijartinên Parlamentoya Kurdistanê ji Serokatiya Herêma Kurdistanê re pêşniyar kiriye.

Di dema derbasbûyî de li Hewlêrê civîneke hevbeş di navbera Komîsyona Bilind a Serbixwe ya Hilbijartinan, Serokatiya Herêma Kurdistanê û Nûnertiya Netewên Yekgirtî ya li ÊIraqê de ji bo diyarkirina dema lidarxistina hilbijartinên Parlamentoya Kurdistanê birêve çû.
Komîsyon dibêje, ew amade ne ku hilbijartinên Parlamentoya Kurdistanê di meha Hezîrana bê de bên lidarxistin û dest bi cîbicîkirina rêkarên pêwîst bo amadekarî ji bo cîbicîkirina vê mafê hilbijartinê kirine.

Destpêka meha Hezêranê pêşniyare

Berdevka Komisyona Bilind a Serbixwe ya Hilbijartinan Cumane El-Gelay ji PUKMEDIA re ragihand: Dema şanda Komisyona Bilind a Serbixwe ya Hilbijartinan li gel Serokayetiya Herema Kurdistane civiya, di navbera 5 û 10 Hezîranê de ji bo lidarxistina helbijartina Parlamentoya Kurdistane peşniyaz kir.  Komisyonê pêwîstî bi 4 mehan heye û em li benda derxistina biryara Herêmî ne ji bo lidarxistina helbijartinên meha Hezîrana bê.

Komisyonê dest bi amadekariyên pêwîst dike

Cumane El-Geleyî dibêje: Komisyonê dest bi tedbîrên giring bo amadekariyên lidarxistina hilbijartinên parlamentoya Kurdistanê kiriye, wek nûjenkirina tomarên dengderan, tomarkirina jidayikbûnên nû, dabeşkirina kertên dengdanê û pesendkirina sîstemên taybet. Ev qonax li gorî pîvanên navneteweyî gelkî girîng e.
Herwaha got: Komisyonê di dema pêşniyar kirina roja meha Hezîranê de, amaje bi îmkanên pêwîst bo amadekariyên bo lidarxistina helbijartinan kir û bi hemû pêngavên han ve, komîsyon amadeye hilbijartinên parlamentoya Kurdistanê li meha Hezîrana bê encam bide.

Komîsyona Êraqê ye ku hilbijartinên Parlamentoya Kurdistanê birêxistin dike

Berdevka Komisyona Bilind a Serbixwe ya Hilbijartinan dibêje: Komisyona Bilind a Serbixwe ya Hilbijartinan ew e ku dê hilbijartinên Parlamentoya Kurdistanê li gorî yasaya hilbijartinan li Herêma Kurdistanê saz bike.
Wê got jî: Komîsyon dê çend rênima û sîstemên ku şefafî û paqijbûna hilbijartinan garantî dikin, li gor tomara dengderan û amêrên elektronî yên dengdanê yên ku li Komîsyonê hene, birêxistin bike.
Cumane El-Geleyî dibêje: Encumena Komisyonan gelek rêzikname û rênimayiyên hilbijartinên Parlamentoya Kurdistanê derxistin û em li benda biryara Desteya Komisyonan bo lidarxistina hilbijartinan in.
Got jî: bendek yasayî heye ku tê de mafê komîsyonê heye bo garantîkirina proseya helbijartinan li herêma Kurdistanê tedbîrên pêwîst werbigire û di hilbijartinên parlamentoya Kurdistanê de jî hijmartina elektronîk û destî hebe. wek ku di hilbijartinên encumenên parêzgehan de çêbû.

PUKMEDIA