Mamosteyên nerazî boykot şikandin

Kurdistan 10:16 PM - 2024-02-19

Mamosteyên nerazî

Beşek ji nûnerên mamostayên xwepêşander di civînekê de ligel cîgirê serokwezîr Qubad Talebanî û li ser sozên ku ji wan re hatine dayîn, biryara şikandina boykotê û berdewamiya proseya xwendinê dan, di bersivê de, Qubad Talebanî got: “Em dê li ser cîbicîkirina daxwazên wan yên rewa berdewam bin.’’

Piştî civînê Encumena Niştimanî ya Mamostayên Xwepêşander derbarê rawestandina boykotê de daxuyaniyek da û got: “Piştî hevdîtina çend nûnerên mamostayên nerazî ligel cîgirê serokwezîr, wî biryar da ku piştî serrastkirina yasaya bûdceya Iraqê, bilindkirina astê  mamostayan li gorî salên kar, dê bên cîbicîkirin û mamostayên girêbestî bi qonaxan bên cîbicîkirin, herwiha li ser soza cîbicîkirina daxwazên din ên mamostayan dê berdewam bin û hemû hewlên xwe bidin.

“Em wek encûmena giştî li ber ronahiya biryar û sozên cîgirê serokwezîr ,weke derfeteke din a desthilatdariyê û ji bo saleke xwendinê winda neke, me biryara rawestandina boykotê da, eger biryar neyên cîbicîkirin, emê bi rûtîneke nû vegerin qadan.’’Hat gotin

Talebanî: Em li gel bilindkirina pilê mamosteyan û girêbestkirina wan in

Di heman demê de, yekser piştî civînê, Qubad Talebanî li ser rûpela xwe ya şexsî belav kir: “Di civînekê de li gel hejmarek mamostayên nerazî, min biryara hikûmeta Herêma Kurdistanê piştî  serrastkirina yasaya bûdceya Iraqê dupat kir ku li gorî rêgez , qanûn û salên karkirinê dê mamostayên jêhatî bên terfî kirin û ji  mamosteyan peymanên fermî bên danîn, em ê ji bo pêkanîna daxwazên wan ên rewa li ser xetê bin.’’
PUKMEDIA