YNKê ji bo hilbijartinan her dem amede ye

PUKMEDIA

Ragihandin

YNKê ti carî ji hilbijartinan netirse û ev demeke dirêj e xwe ji bo hilbijartinên parlamentoya Kurdistanê amade kiriye, weke Kerkûk, Mûsil, Xaneqîn û Dûzxurmatû li hêviya sosretan bin.

Desteya Ragihandina YNKê ragihand: îdiayên ku Yekîtiya Niştimanî ya Kurdistanê dixwaze hilbijartinên Parlamentoya Kurdistanê were paşxistin rast nînin, ev demeke dirêje Yekîtî ji bo hilbijartinên Parlamentoya Kurdistanê amade ye.’’

“Di çend rojên derbasbûyî de me bi hinceta paşxistina rûniştina Dadgeha Federalî ya ji bo guhertina yasaya hilbijartinên Parlamentoya Kurdistanê, bi awayeke qestî ji aliyê kanalên fermî û nefermî yên hinek aliyan ve me şopand  ku Yekîtiya Niştimanî ya Kurdistanê hatiye armanckirin. Ew îdia dikin ku Yekîtiya Niştîmanî ji hilbijartinan ditirse û hewl dide proseyê paşde bixe û derbarê belavkirina van nûçeyan de, em ji kesên ku xeyalên xwe tenê li ser nûçeyên derew ava dikin re radigihînin:

Dema ku Yekîtiya Niştimanî daxwaza derxistina xala yasayî ya girêdayî Kerkûkê di yasaya hilbijartinên encumenên parêzgehan de dikir, daku mafê welatiyên Kerkûkê bi taybet dengderên kurd hebe ku beşdarî hilbijartinan bibin, heman tişt digotin, ew niha îdia dikin ku, Yekîtiya Niştimanî daxwaza serrastkirina vê xalê dike ji ber ku ji niha ve ditirse ji kêmbûna dengên xwe û bidestxistina dengan ji bo  kursiyan û nexwestin hilbijartinên encumenên parêzgehan bên kirin, lê di dawiyê de hemû hewlên wan îflas kirin, ji ber vê yekê em careke din ji we re dibêjin ku dem ji bo kampanyaya hilbijartinan maye û xwe bi van mezrayan û belavkirina nûçeyên sexte bêzar nekin, ji ber ku Yekîtiya Niştimanî ji bo hilbijartinan amadeye ev demeke dirêj e ji bo hilbijartinên Parlamentoya Kurdistanê wekû li  hilbijartinên Kerkûk, Nînowa, Xaneqîn û Tûzxurmatû hat amadebû  û vê care jî  li benda surprîzê bin.”
PUKMEDIA