Careke din Dadgeh li ser doza giliya Hilbijatinên Herêmê dicive

Kurdistan 10:27 AM - 2024-02-18

Dadgeha Federal

Biryare îro 18-2-2024 Dadgeha Federalî li ser gilîkirina Yekîtiya Niştimanî ya Kurdistanê li ser guhertina yasaya hilbijartinan careke din bicive, di demekê de ku 10 caran ev dosya ji aliyê dadgehê ve hatiye paşxistin û Berdevkê YNKê di hevpeyvînekê de ligel PUKMEDIA got: Ti biryarek ji bo vekişandina gilî ji Dadgeha Bilind a Federal nehatiye dayîn û YNK’ê jî doz vekiriye.

Ev daxwaz ji aliyê Serokê Fraksiyona YNKê Ziyad Cebar di rûniştina pêncem a Parlamentoya Kurdistanê û endama Encûmena Parêzgeha Silêmaniyê Amanc Şemûn ve hatiye kirin.

Berdevkê YNKê: Em rêzê li biryara dadgehê digirin

Berdevkê Yekîtiya Niştimanî ya Kurdistanê Saidî Ehmed Pîre di hevpeyvînekê de ligel malpera fermî ya Yekîtiya Niştimanî ragihand: Heya niha ti biryarek ji bo paşvekişandina giliya Yekîtiya Niştimanî li Dadgeha Bilind a Federalî li ser yasaya hilbijartinan nehatiye dayîn, paşxistina biryar li ser giliya ye ne sûcê YNKê ye.

“YNK’ê daxwazeke yasayî kiriye da ku pêkhate di hilbijartin û parlamentoyê de nûnerên xwe yên resen hebin û nebin destê ti aliyekî siyasî. Divê Dadgeha Federal dozê yekalî bike û em jî rêz li biryarê digrin.

Rûniştin gelek caran hat paşxistin

Giliyên Yekîtî li ser pênc madeyên yasaya hilbijartina parlamentoya Kurdistanê ye, ku ji aliyê Ziyad Cebar, Serokê Fraksiyona YNKê ve di rûniştina pêncem a Parlamentoya Kurdistanê de li ser madeyên (1-9-15-22-36) yên Parlamentoya Kurdistanê hatiye tomarkirin. Ku berê jî deh caran rûniştina Dadgeha Federal li ser giliê hetiye paşxistin.

Her weha YNK bi rêlya vê giliyê dixwaze bo hilbijartinên bê yên parlamentoyê ku di sala 1992an de ji aliyê Eniya Kurdistanê ve hatibû derxistin bikar bîne.


PUKMEDIA