Amerîka pêşwaziyê rakirina rênmayên rêziknameya ragihandinê dike

Îraq 11:22 AM - 2024-02-17

Konsulxaneya Amerîka li Hewlêrê

Konsulxaneya Giştî ya Amerîkayê li Herema Kurdistanê pêşwaziyê li biryara Wezareta Rewşenbîrî û Ciwanan a Hikûmeta Herêma Kurdistanê ya betalkirina rênmayên Rêziknameya Karên Medyayî dike û ragihand: "Rênmayî dê hewcedariyên nû û tedbîrên ewlehiyê ji bo rojnamevanên serhêl destnîşan bike ku em bawer dikin ku dê azadiya çapemeniyê sînordar bike. ‘’

Pêşdebirina azadiya çapemeniyê bidomînin

Konsulxaneya Amerîka li Hewlêrê di daxuyaniyekê de li ser hesabê xwe yê Facebookê pêşwazî li biryara Wezareta Rewşenbîrî ya Hikûmeta Herêma Kurdistanê kir û ragihand : ‘’Em pabend in ku li gel hevkarên xwe yên navxweyî û navdewletî kar bikin ji bo berdewamiya pêşxistin û pêşvebirina azadiya rojnamevanî û medyaya berpirsyar. Wî got ku em rênîşandan wek berteka hukûmetê ya li ser "fikarên ku ji hêla civaka navneteweyî ve û hewildanên navxweyî yên ji bo baştirkirina rewşa azadiya çapemeniyê dibînin.’’

Di xebatên çapemeniyê de ti astengî çênabin

Pêştir Dr.Seman Fewzî  mamostayê zanîngehê û pisporê yasaya ragihand di hevpeyvîneke taybet de ligel malpera fermî ya YNKê  PUKMEDIA  got :“Ev Rênmayî ji bo azadiya çapemenî û karê ragihandinê metirsîdar bûn û paşvekişandina ji azadiya medya û demokrasiya herêmê bû û bi mebesta têkbirina çapemenî û azadiyê hatibû dayîn.’’

“Redkirina van rênimayan ji aliyê Wezareta Rewşenbîrî ve gaveke girîng û pesindayî ye ji bo parastina azadiya ragihandinê û azadiya medyayê ku neyê sînordarkirin karê ragihandinê û çarçoveya di desthilata çarem de be.’’ Dr Seman got.

Dr Seman Fewzî her wiha got: “Hikûmeta Herêma Kurdistanê di nebûna Parlamentoya Kurdistanê de ev rênimayname derxist, lê di nebûna parlamentoyê de diviyabû saziyeke serbixwe van rênimayiyan derbixista û ne ji hikûmetê be.’’
PUKMEDIA