Serok Bafil: Destdirêjî ser xelk xeta sor e

Nivîsgeha Ragihandinê ya Serokê YNKê

Civînên Serok Bafil

Serokê Yekîtiya Niştimanî ya Kurdistanê (YNK) Bafil Celal Talebanî bi berpirsên Malbendên YNKê re li Dabaşanê civiya.

Di civînê de ku endamên Mekteba Siyasî Refat Ebdullah û Derbaz Kosret Resûl  amede bûn ,berpirsê  Rêxistina  YNKê Serkawt Zekî raporek li ser pêşniyarên duyemîn konferansa Buroya Rêxistinê ya  awayê birêxistinkirina organan pêşkêş kir.

Di bersivê de Serok Bafil Celal Talebanî destxweşî li rêxistinên YNKê kir ku erkên partiyê bi cih anîne û got ku, erkê hemû endamên YNKê li her pileyekê be ku ji bo xizmetkirina Kurdistanê û bidestxistina armancên bilind kar bikin.

Derbarê pêdaçûn û rêkxistina organên bajar û bajarokên Kurdistanê de jî Serok Bafil amaje bi wê yekê kir ku YNK li hember  jiyana gelê Kurd berpirse, lewma divê hemû deste di xizmeta gel de bin û daxwazên wan ragihînin.

Serok Bafil got, ji bo me parastina jiyana xelkê û aştiya Kurdistanê ji her tiştî pîroztir e, lewra em careke din tekez dikin ku her berpirsek di her partiyek, hikûmet û asayîşê de be û navê xwe ji bo berjewendiyên taybet bikar bîne,em ê bi tundî li ser berpirsiyariya partî, hikûmet û ewlehiyê lêkolînan bikin .

Got jî: dest dirêjkirin ser  gel û mafên wan xeta sor e û bêqanûnî nayê qebûlkirin, lewra erkê hemû yekîtiyê ye ku can û bextewariya xelkê biparêze û hemû hewlên xwe  bo berjewendiya giştî be.

PUKMEDIA