Talebanî pîrozbayî li Yekîtiya Nivîskarên Kurd dike

PUKMEDIA

Qubad Talebanî

Serpereştyarê Sekretariya Serok Mam Celal 54 saliya damezrandina Yekîtiya Nivîskarên Kurd li hemû nivîskar û endamên Yekîtiya Nivîskarên Kurd pîroz dike.

Nivîsa peyamê.

 
Birêz Serok û Endamên Yekîtiya Nivîskarên Kurd

Bi helkefta 54 saliya damezrandina Yekîtiya Nivîskarên Kurd, germtirîn pîrozbahiyên xwe pêşkêşî we û hemû nivîskarên Kurd dikim.

Bi vê minasebetê em nivîskarên hêja û jêhatî yên komîteya damezrîner bi rêzdarî bi bîr tînin: Ezadîn Mistefa Resûl, Dr. Nesrîn Fexrî, Dr. Kaws Qeftan, Dr. Îhsan Fuad, Dr. Marf Xeznadar, Cemal Baban, Xalid Dilêr, Mihemed Mela Kerîm, Kakam Botanî û Nûrî Elî Emîn. Em ji Husên Arif re temenekî dirêj û saxlemiyê dixwazin.

Têkoşîn û rola girîng a Yekîtiya Nivîskarên Kurd di tevgera rizgariya gelê me de ji her kesî re eşkere ye. Di vê qonaxê de ku medyaya civakî serdestiyeke girîng e, tevî aliyên xwe yên erênî, di heman demê de platformek e ji bo belavkirina ramana pêşverû û pêşvekişîna berbi hemû nirxên bilind ên ku nivîskar û rewşenbîrên kurd sed sal in li ser wan xebat kirine.

Ji ber vê yekê erkê Yekîtiya Nivîskaran û hemû nivîskar û rewşenbîrên Kurd di hişyarkirina civakê de, parastina nirxên bilind û pêşxistina çanda rexneya objektîf ji her demê dijwartir e.

Di vê çarçovê de û ji bo ku em derfetan bidin nivîskar ku rola xwe ya bibandor bilîzin, em pabendî prensîba (dabînkirina nan û azadiyê ji bo nivîskaran) in ku Serok Mam Celal em pê perwerde kirine. Dibe ku di van salên dawî de xemsarî û kêmasî di vî warî de hebin, lê emê hemû hewlên xwe bidin ji bo ku rewşek guncaw û layîq ji bo nivîskar û rewşenbîrên xwe dabîn bikin da ku me hemûyan ber bi pêşerojeke baştir û geştir ve bibin.

Qubad Talebanî

Serpereştyarê Sekretariya Serok Mam Celal

PUKMEDIA