Cîgirê serokê Herêmê: Hilbijartinên Kurdistanê wê di Gulanê de be

PUKMEDIA

Cafer Şêx Mistefa

Cîgirê Serokê Herêma Kurdistanê roja lidarxistina hilbijartinên Parlamentoya Kurdistanê eşkere kir û tekez li ser wê yekê kir ku hewlên yekxistina hêzên Pêşmerge berdewam in.

Cîgirê Serokê Herêma Kurdistanê Cefer Şêx Mistefa îro pênşemê 8-2-2024ê di konfranseke rojnamevanî ku PUKMEDIA jî ew dişopand de behsa mijarên hilbijartinên Parlamentoya Kurdistanê, peywendiyên di navbera Herêm û Bexdayê û yekrêziya Hêzên Pêşmerge û ew aloziyên ku di rewşa niha de li navçê tê dîtin kir.

Derbarê roja lidarxistina hilbijartinên Parlamentoya Kurdistanê de, Cefer Şêx Mistefa got: Li gorî desthilatên ku ji bo Serokê Herêma Kurdistanê hatine dayîn, eger pirsgirêk û astengî dernekevin, di Gulana bê de dê rojek ji bo lidarxistina hilbijartinên Parlamentoya Kurdistanê diyar bike.

Cîgirê Serokê Herêmê tekez kir ku gotûbêj di navbera hikûmeta herêmê û hikûmeta federal de berdewam in, bi armanca çareserkirina pirsgirêkên di navbera wan de derketine, lê heta niha her du alî negihiştine çareseriyeke radîkal ji bo van pirsgirêkan.
Derbarê pirsa yekxistina hêzên Pêşmergeyên Kurdistanê de jî got: “Ji aliyê Wezareta Pêşmerge û hêzên hevpeyman ve rêkeftinek hatiye îmzekirin û li gorî wê rêkeftinê, di çarçoveyeke diyarkirî de hêzên Pêşmerge dê bibin yek û kar li ser berdewam e.

Cîgirê Serokê Herêma Kurdistanê behsa rewşa Êraq û navçeyê kir û got: Aloziyên niha ne tenê li Êraqê ye belku li tevahiya navçeyê ye û em li dijî her rûbirûbûn û aloziyekê ne, ji ber ku. Pêwîstiya Welatiyên Kurdistan û Êaqê bi ewlehî û aramiyê heye û şer û tundiyê red dikin.

PUKMEDIA