Hewlêr di rêza yekem de ye li binpêkirina mafê Rojnemevanan

Kurdistan 06:18 PM - 2024-02-07

Amarên binpêkirinên rojnamegeran

Rêxistina Peyamnêran a Mafên Rojnamevanan amarên binpêkirinên di sala derbasbûyî de ji aliyê rojnamevan, kanal û saziyên ragihandinê ve hatine eşkerekirin, diyar dike ku binpêkirinên kanal û saziyên ragihandinê di sala 2023an de li gorî sala 2022an zêde bûne.
Parêzgeha  Hewlêrê di rêza yekem de ye di nav parêzgehên herêmê de ku 78 bûyerên binpêkirinan li dijî rojnamevan, kenal û dezgehên ragihandinê tomar bûye, parêzgeha Dihokê di rêza duyem de ye bi tomarkirina (37) haletên binpêkirinê û parêzgehên Silêmanî û Helebce (21), rewşên binpêkirinê ku li gorî Hewlêr û Dihokê herî kêm e.

Hewlêr di warê binpêkirinan de di rêza yekem de ye

Berpirsê Rêxistina Peyamnêran bo Maf û Pêşxistina Rojnamegeran Hozan Qadir di daxuyaniyekê de ji malpera fermî ya Yekîtiya Niştimanî ya Kurdistanê (PUKMEDIA) re li ser vê mijarê tekez kir: “Ji wan (136) binpêkirinên ku hatine kirin, Parêzgeha  Hewlêrê di rêza yekem de ye ku (78) binpêkirin tomar kirine û piştî wê Parêzgeha  Dihokê (37) tê  û rojnamevanên parêzgeha Helebce herî kêm rastî binpêkirinan hatine ku [ 10] doz û (11) dosya binpêkirina rojnamevanan li parêzgeha Silêmaniyê hatine tomarkirin.
Piraniya fermanên girtina rojnamevanan li Hewlêrê bûn
Li gor amarên Rêxistina Peyamnêran ji bo Maf û Pêşxistina Rojnamegeran ku nusxeyek jê ketiye destê PUKMEDIA, piraniya dosya girtin û fermana girtina rojnamevanan li Hewlêrê ne û (10) halet hatine tomarkirin û yekser Dihoke ku (8) haletên girtina rojnamevanan rûdane û li Silêmaniyê 2 haletên girtinê û yek jî li Helebceyê hatine tomar kirin, ku amar amaje bi wê yekê dikin ku li Silêmanî û Helebce haletên girtina rojnamevanan bi awayekî berçav kêm bûne. 

Ragihandina bûyeran jê re hat qedexekirin

Li gorî danberheva di navbera amarên binpêkirinên ku rojnamevan di salên (2022) û (2023) de rûbirû bûne, diyar dibe ku tevî kêmbûna dosyayên binpêkirinên ku rojnamevan rastî wan hatine li herêmê bi giştî, binpêkirinên ku rojnamevanan pê re rû bi rû mane, rewşa kanal û dezgehên ragihandinê ji (320) bo (328) zêde bûye.
Herwiha amar nîşan didin  ku (16) kenal û dezgehên ragihandinê li herêmê rastî binpêkirinan hatine û rêgirtin ji rûmalkirina bûyeran, herî zêde bûyera binpêkirinan bûye û Hewlêr û Dihok hejmara herî zêde ji wan binpêkirinan tomar kirine.
Di raporta Rêxistina Peyamnêran de hat gotin, "Ji bilî wan haletên ku me behs kirin, 3 haletên mirina rojnamevanan û 26 haletên qutkirina mûçe û bidawîkirina xizmetguzariya rojnamevanan hene."
PUKMEDIA