Fraksiyona YNKê: Neweyê Nû şikestinên xwe bi bazarkirinê vedişêrin

Kurdistan 06:07 PM - 2024-02-02

Logoya Yekîtiya Niştimanî ya Kurdistanê

Berdevkê Fraksyona YNKê li Parlamentoya Iraqê ragihand, di nûçeyên ku ji aliyê Fraksiyona Neweyê Nû ve hatiye belavkirin, tê îdiakirin ku ji bo dayîna mûçe rasterast ji hikûmeta federal bo hemwelatiyê Kurdistan îmze hatine komkirin, lê Fraksiyona YNKê îmze nekiriye neraste  û got:’’Her aliyek ku hewl bide rewşa nebaş a gelê Kurd bi mebesta berjewendiya siyasî bi kar bîne û mezadê siyasî û nelirêtiyê bike, ji hemû nirxên siyasî û exlaqî bêpar e.’’

Fraksiyona Neweyê Nû ev mijar ji bo danûstandinên siyasî bikar anî

Berdevka Fraksiyona Yekîtiya Niştimanî ya Kurdistanê (YNK) Sozan Mensûr di daxuyaniyekê de ku kopi ketiye destê PUKMEDIA ragihand: ‘’Fraksiyona Neweyê Nû û NRT belavkiriye, ku tê de îdia dikin  ku ji bo dayîna mûçe rasterast ji hikûmeta federal bo hemwelatiyê Kurdistan Neweyê Nû  îmze komkiriye , lê Fraksiyona YNKê îmze nekiriye  ne raste.’’
“Em ji raya giştî ya Kurdistanê re eşkere dikin ku di Cotmeha sala borî de, me bi Fraksiyonên Yekgirtû, Komel û Neweyê Nû  re  ji ber giringiya me ya li ser karkirina hevbeş û yekrêzî û bihêzkirina hewlên bo pirsa mûçe, îmze kom kir û daxwaz ji serokwezîrê Iraqê kir  ku mûçe ji nakokiyên siyasî derxîne û rasterast parve  bike, lê piştre fraksiyona Neweyê Nû qalibê yadaştnameyê guhert û kir qalibê xwe  û ji bo mezadên siyasî bikar anî û bi navê firaksiyona xwe ji da Serowezîr .’’Her wiha got

Jixwe serokwezîr jî bersiva vê memorandumê daye

Mensûr got: "Ti wateya komkirina îmzeyan ji bo heman mebestê nîne û tenê ji bo mezadên siyasî ye, ji ber ku serokwezîrê hikûmeta federal berî niha bersiva yadaştnameya hevbeş a fraksyonên Kurdistanî daye û pesend kiriye." “Derbarê guhertina bûdceyê de, serokwezîr zêdetirî 2 mehan e ragihandiye û komîteyek ji şêwirmendên wî û Komîteya Darayî ya Parlamentoyê hatiye avakirin, ku ti endamên Neweyê Nû tê de nînin.’’
Berdevkê YNKê got: "Her frakisyon, partî, parlamenter û kanalek li salona parlamentoyê be û hewl bide ku rewşa nebaş a gelê kurd ji bo berjewendiya siyasî, mezadên siyasî û nelirêtî bikar bîne , bêpar ji hemû nirxên siyasî û etîka medyayî ye." wiha dibêje.
PUKMEDIA