Ji bo jiyan û bextewariya Pêşmergeyên dêrîn divê xebateke cidî bê kirin

PUKMEDIA

Bi xêr hatina Pêşmergê Derîn

Li ser pêşniyara Bafel Celal Talebanî Serokê Yekîtiya Niştimani ya Kurdistanê (YNK), Qubad Talebanî Serpereştyarê Ofîsa Sekreteriya Serok Mam Celal, li mala Mam a li Qelaçualanê pêşwaziya  fermandarên dêrîn û kadroyên dêrîn ên Tûgaya 17. a Zmnako, Tûgaya 55. a Qaradax û Tugaya 57. a Sargarma  kir.
Di merasîmê de rêheval Mistefa Çawraş û Azadê Sergerma amade bûn ,Cemîl Hewramî Serokê Komeleya Pêşmergeyê Derînê Kurdistanê di axaftina xwe de amaje bi rojên têkoşîna dijwar a Kurdistanê kir û rola pêşmergeyên dêrîn û şervanên şoreşa nû di têkoşîna rizgariya Kurdistanê de bilind nirxand.Navbirî destxweşî li wan kesan kir ku hemû canê xwe dane gel û welat û got;erkê hikûmet û aliyên peywendîdar e ku li gor dîroka we bin û bi cidîtir kar ji bo başkirina jiyana Pêşmergeyên dêrîn bikin.
Di bersivê de, Nivîsgeha Sekreteriya Serok Mam Celal eşkere kir ku ev serdan û civîn qonaxeke din a xebata rêxistinî ye ji bo zêdetir beşdariya şervanên YNKê û ji nêzîk ve haydarkirina jiyana we û ragihand;Emê bi hev re peywendiyekî  bihêz ava bikin û li her cihê ku xizmetek pêwîst be, emê bi serbilindî pêşkêşî we bikin û erkê me ye ku zêdetir xizmeta we bikin û bi heman ruhê Serok Mam Celal li gel we bin û xizmetên we berdewam bikin.
Paşê gotûbêjeke vekirî li ser çawaniya yekkirina hewlan ji bo zêdetir xizmetkirina Pêşmergeyên dêrîn û wan kesên ku di têkoşîna Kurdistanê de cih girtine hate kirin.
PUKMEDIA