Beşdarbûn û sersaxiya xanima yekem di merasîma oxirkirina 41 Kurdên Êzidî de

Ajans

Xanima Yekem Iraqê gel malbatê Şehîdan

Xanima yekem a Iraqê Şenaz Îbrahîm Ehmed beşdarî merasîma oxirkirina 41 qurbaniyên komkujiya Êzdiyan bû, ku ji aliyê terorîstên DAIŞê ve hatibûn şehîdkirin.
Îro 24-1-2024 li Monûmenta  Qirkirina Êzidiyan li Şengalê,Merasîm bi deqeyeke rêzgirtinê ji bo ruhê pakê şehîdan dest pê kir û piştre sirûda niştimanî hat xwendin, piştre hejmarek ji beşdaran axaftinek pêşkêş kirin û tawanên rêxistina terorîst a DAIŞê li dijî Êzdiyan û pêkhateyên din şermezar kirin.
Di merasîmê de, xanima yekem a Iraqê hevxemiya xwe ji malbatên şehîdan re xwest û dilgiraniya xwe jî li hember wan tawanên hovane yên li dijî Iraqiyan bi taybet Êzdiyan nîşan da. Wê bal kişand ser wê yekê ku erkekî niştimanî û exlaqî ye ku rêûresmeke hêja ji bo qurbaniyên bêguneh bê rêkxistin, ku qurbanîdan û bextreşiya mezin tûşî wan bûye.
Her wiha xizmên şehîdan spasiya xanima yekem a Iraqê kirin ku şopdarê dozên wan bûye û beşdarî merasîma oxirkirina wan bûye.
Di merasîmê de nûnerên Buroya Tiba Edlî ya Wezareta Tenduristiyê, Saziya Şehîdan, Saziya Gorên Komî û gelek saziyên navneteweyî û herêmî amade bûn.
Cenazeyên 41 şehîdan di gorên komî yên gundên Herdan û Koçoyê de hatin dîtin û testa DNA’yê li Saziya Tipa Edlî ya Bexdayê hate kirin.
PUKMEDIA