Bexda pişka herêmê li gorî bûdceyê dişîne ne bi deyn

Kurdistan 07:11 PM - 2024-01-14

Pişka Herêmê

Encumena Wezîran a Êraqê biryar da ku 618 milyar dînar ji bo dabînkirina mûçeyên fermanberên Herêma Kurdistanê bişîne, di çarçoveya pişka Herêma Kurdistanê de ku ji sedî 12.67ê bûdceya giştî ya federalî ya sala 2024ê ye. Endamê komîteya darayî ya parlementiyê got: Divê kurthênana mûçeyên welatiyan bi dahatên navxwe ya Herêmê were girtin.

Hikûmeta federal li gorî qanûna bûdceyê para herêmê dişîne

Endama komîteya Darayî li Civata Nûneran Dr. Nermîn Mairûf derbarê biryara Encûmena Wezîrên Federal di daxuyaniyekê ji PUKMEDIA re ragihand ku Bi pê yasaya bûdceya federal ku heta niha ne hatiye serrastkirin ku para Herêmê salên (2023, 2024 û 2025) de bi rêjeya %12,6 hat terxankirin û îro Encûmena Wezîran a Federal biryara xwe li ser vê pişkê hatiye.
Wê got jî: Hikûmeta Federal dê pişka herêmê li gor yasaya bûdceya giştî ya federalî bişîne û ne bi qerz, heta ku rêkeftinek ji bo serrastkirina yasaya bûdceyê çêbibe, ku hikûmeta federal îro razî bû ku hijmarek ji xal û madeyên wê biguherîne, û tê çaverêkirin ku ji civata nûneran re bê şandin ji bo xwendin û gotûbêjkirina wê û piştre dengdan li ser bê kirin û pesend bike.

Kêmasiya hikûmeta herêmê di mûçeyê karmendan de 300 milyar dînare

 li gor zanyariyên (PUKMEDIA) Hikûmeta Herêma Kurdistanê ji bo dagirtina mûçeyê karmendan pêwîst bi 914 milyar dînare ku hejmara wan milyonek û 150 hezar karmendin, ji ber wê jî pêwîstiya hikûmeta herêmê heye. pişka ku ji hikumeta federal hatiye şandin ku 615 milyar dînar e, ji bo mehekê nêzîkî 300 milyar dînar ji bo dabînkirina kêmasiya mûçeyê ku divê ji dahata navxweyî were dabînkirin.

PUKMEDIA