Guhartina bûdceyê pirsgirêkên darayî yên di navbera Hewlêr û Bexdayê de çareser dike

Kurdistan 01:47 PM - 2024-01-07

Mûçeyên Karmendan

Biryare şanda hikûmeta Herêma Kurdistanê bi berpirsên hikûmeta federalî re hevdîtinên berfireh bike û li ser sererastkirina yasaya bûdceyê lihev bikin û kar bike ji bo peydakirina mûçeyên fermanberên Herêma Kurdistanê û dûrxistina wan ji xerckirina rastî.

Mijareke girîng pêdivî bi çareserkirinê heye

Wezîrê Dadê yê Hikûmeta Federal Xalid Şwanî dibêje, mijara mûçe û pişka Herêma Kurdistanê ji bûdceyê gelekî girîng e û em hêvîdar in di bûdceya federalî ya sala 2024ê de bi awayekî cidî were çareserkirin.
Got jî: Şanda hikûmetê gihîşte Bexdayê û dê li gel berpirsên hikûmeta federalî bicive û em dûpat dikin ku pirsa bûdce û mûçeyên fermanberên herêma Kurdistanê pirseka gelek giringe û divê bilez bê çareser kirin.

Şanda herêmê li Bexdayê

Li gor zanyariyên ku ketine destê PUKMEDIAyê, şanda Hikûmeta Herêma Kurdistanê dest bi civînên xwe yên ligel berpirsên hikûmeta federalî kir, daku hemû zanyariyan bigihîne wan û hesabên dawî pêşkêşî wan bike, herwiha şanda Hikûmeta Herêma Kurdistanê daxwaza terxankirina 913 milyar dînar dike ji bo mûçeyên mehane yên karmendan, hikûmeta federal jî hin daxwazî hene derbarê terxankirina wê mûçeyê, ji ber ku meyleke mezin heye ku mûçeyên karmendan li Herêma Kurdistanê ji xerckirina rastî ya bûdceya federal were dûrxistin.

Lihevkirin li ser guhertina budçeyê

Nûnerê Yekîtiya Niştimanî ya Kurdistanê Kerwan Yarwês di daxuyaniyeke taybet de ji PUKMEDIA re ragihand: Pêwîste hikûmeta federal û hikûmeta Herêma Kurdistanê li ser sererastkirina bûdceya federalî ya sala 2024ê li hev bikin û ji aliyê Encûmena Wezîran ve were pesendkirin. Nivîsara guhertinê ji bo Meclîsa Nûneran bişînin.
Got jî: Piraniya cudahiyên heyî girêdayî madeyên girêdayî Herêma Kurdistanê ne û eger her du hikûmet li ser pirojeya sererastkirinê li hev bikin, em dikarin di demeke kurt de li civata nûneran pesend bikin. Divê her kes bixebite da ku mûçeyên karmendan ji beşa lêçûnên rastîn derxe.

PUKMEDIA