Encamê hilbijartinê ji bo Kerkûkê parêzgarê Kurd û YNK ye

PUKMEDIA

Endamê Serkirdayetiya YNK

Gotûbêjên partiyan bo destnîşankirina parêzgarê Kerkûkê di sala nû de wê despê bike di vê derbarê de Endamekî serkirdayetiya YNKê got:’’ “YNK ji bo her diyalogê li gel hemû partî û pêkhateyên Kerkûkê di çarçoveya encamên  hilbijartinan de amade ye û YNK daxwaza parêzgarekî Kurd dike, bi taybetî Yekitiyekî  ji bo hikûmeteke berfireh li Kerkûkê.’’
Endamê Serkirdayetiya Yekîtiya Niştimanî ya Kurdistanê (YNK) Stran Ebdullah di hevpeyvîneke ligel televîzyona Kurdsat de ragihand;YNKê dixwaze parêzgarekî Kurd ji bo pêkanîna hikûmeta berfireh li Kerkûkê were destnîşankirin û got: “YNK dixwaze parêzgarekî Kurd ji bo pêkanîna hikûmeteke berfireh li Kerkûkê were destnîşan kirin, bi taybetî  li gor encamên hilbijartinan  û tekezî li ser wê yekê dikin ku divê parêzgar hem Kurd be û hem jî YNK be û YNK jî nêrîna hemû partî û pêkhateyên Kerkûkê li ber çavan digire.”
"YNKê sê prensîb xwe heye, ya yekem ew e ku encamên hilbijartinan çi dixwazin, ya duyem jî hikûmeteke hevbeş e ku hemû pêkhateyên Kerkûkê di nav xwe de dihewîne, ku Serok Bafil di peyama xwe de tekezî li ser wê yekê kiriye û ya sêyem jî yasaya hilbijartinên encumenên parêzgehan e." Stran Ebdullah got.

YNK ji bo her gotûbêjekê amade ye

Endamê Serkirdatiya YNKê got:’’Gotûbêjên hikûmeta dahatû ya Iraqê dê piştî sersala nû dest pê bikin, bi taybetî piştî encamdana gilîkirina li ser encamên hilbijartinan û piştre hikûmeta Iraqê dê bi fermî daxwaza civîna encumenên parêzgehan dike û kesê herî temenmezin serpereştiya civînê bike û paşê parêzgarê Kerkûkê bê destnîşankirin, ku çend rêkarên yasayî hene û pêwîstî bi rêkeftina di navbera aliyên Iraqê de jî heye. Ji bo vê yekê jî YNK dê li Kerkûkê bi hemû partî û pêkhateyên li ser asta herêmî û Iraqê re hevdîtinan dike."
“Erka YNK û hemû aliyên din ji bo vê mijarê dê zehmet be, ji ber ku destnîşankirina parêzgar divê hemû şert û mercan ji bo parastina mafên pekhatan  li Kerkûkê pêk bîne û ji bo vê yekê jî wek YNK ji bo her diyalogê amade ne di çarçovyea encamên hilbijartinan de.’’ Stran Abdullah got
PUKMEDIA