Serok Bafil ji Kurdistaniyan re: Erka me ye di berdêla dilsoziya we de xizmeta we bikin

PUKMEDIA

Serok Bafil Talebanî

Serokê Yekîtiya Niştimanî ya Kurdistanê Bafil Celal Talebanî derbarê encamên hilbijartinên encumenên parêzgehên Êraqê de daxuyaniyek belav kir û têde wiha got: Kurdistaniyên hêja li Kerkûk, Xaneqîn, Mendelî, Mexmûr, Deşta Nînewa, Şengal û Tûzxurmatû..

Bi boneya serkeftina we ya di hilbijartinan de pîrozbahiyê li we dikim û bi ruhê niştimanî û niştimanperweriyê ku we di roja dengdanê de ji bo hilbijartinên encumenên parêzgehan nîşan da şanaz im, ku we nîşanek din a serbilindî di rûpelên dîrokê de nivîsand.
Dubare tekezkirina we li ser kurdistanîbûna navçeyên nekok û bijartina we ji Yekîtiya Niştimanî ya Kurdistanê wek nûnerê we yê rastîn derseke dîrokî ye ku em ji bîr nakin. Di berdêla dilpakî û dilsozî û sekna we de xizmetkirina we esasê erk û karê me ye, tişta ku Serok Mam Celal pêşkêşî Kerkûkê kiribû di warê xizmetkirin û kûrkirina hemahengî û pêkvejiyanê emê berdewam bin. û em ê di nêzîkatiya wî de berdewam bin.

Em spasiyên xwe yên taybet ji bo hezkiriyên xwe û hemû pêkhate û neteweyên ku lîsteya hevpeymaniya “Kerkûk Hêz û îradeya me” hilbijartine dikin. Ez ji we re piştrast dikim ku em ê li go hêviyên we bin. Her wiha em spasiya xebat û karên kadroyên xwe yên di dema kampînên hilbijartinê û roja dengdanê de dikin û spasiyên xwe pêşkêşî wan dikim.
Divê erkên qonaxa bê di xebata ji bo kûrkirina aştiya civakê û dabînkirina jinûveavakirin û bexteweriya zêdetir li herêmê, pabendî bi siyaseta werd ya ku ji aliyê Serok Mam Celal ve hatiye pejrandin, bi berçavgirtina hemû meylên cuda, û karkirina ligel birayên xwe yên Ereb, Sunne û Şîe û birayên me yên Tirkmen û pêkhateyên xwecihî bo avakirina paşerojeke baştir e, ji ber ku gelê me yê hêja ji me hêvîya xizmetguzariyên zêdetir û jiyaneke baştir in û em soz didin wan ku vê yekê paşguh nekin.
Bi hev re ber bi xizmetên baştir û serketinên mezintir.

Bafil Celal Talebnaî
Serokê Yekîtiya Niştimnanî ya Kurdistanî


PUKMEDIA