Qubad Talebanî: Emê li gel xelkê Kerkûkê û navçeyên nekok bimînin

PUKMEDIA

Qubad Talebanî

Qubad Talebanî Berpirsê Ofîsa Sekreteriya Serok Mam Celal ragihand ku Yekîtiya Niştimanî ya Kurdistanê dê li gel xelkê Kerkûk û navçeyên nekok bimîne û dest ji wan bernade û spasî û pêzanînên xwe pêşkêşî girseya Kurdistanê kir ji bo piştevaniya wan di hilbijartinên encumenên parêzgehên Êraqê de lîsteyên Yekîtiya Nîştimanî re.

Qubad Talebanî di peyamekê de li ser hesaba xwe ya taybet a Facebookê spasiya girseya Kurd li Kerkûk û navçeyên nakok kir û got: Ji Mandelî heta Xaneqîn, Tûzxurmatû, Kerkûk, Nînewa û Şengal ku bi baldarî û dilpakî beşdarî hilbijartinên encumenên parêzgehan bû û bi dengên xwe kurdistanîbûna van navçeyan piştrast kirin.
Qubad Talebanî her wiha got: Xelkê Kerkûk û navçeyên nekok bi beşdariya xwe di hilbijartinan de nîşan dan ku bi hevgirtin û pêkvejiyanê em dikarin xiyaneta li hember gelê Kurd ji holê rakin û hevsengiyê li van deveran vegerînin. Spasiya min ji Endamên Yekîtiya Nîştimanî û kadroyên me yên dilsoz re ji ber ku em bi hev re ji bo xizmetkirina girseyên gel têdikoşiyan, û me bi hevre bûn di xizmeta gel de ji bo bidestxistina dengên zêdetir di hilbijartinan de.

Herweha Talebanî tekezî li ser berdewamiya xebata bi vî ruhî û berdewamiya xebata ligel gelê Kurd li navçeyên nakokdar ji bo serrastkirina xeletiyan û rakirina binpêkirinên ku li ser wan hatine kirin, tekez kir ku ew dê berdewam bin li gel xelkê van deveran di pêşerojê de ji berê zêdetir.

PUKMEDIA