Di dengdana taybet de dengên YNKê di rêza yekem de ne

PUKMEDIA

Hilbijartin

Proseya cudakirin û hejmartina dengan ber bi dawiyê ve diçe û ji dengên taybet ên Kerkûkê, dengê YNKê gelekî li pêş hemû hêz û aliyên siyasî yên Kurdistan û Iraqê ye.Hevpeymaniya Kerkûkê ji sedî 63ê dengên taybet bidest xist.
Li gor zanyariyên ku PUKMEDIA ji ofîsa Kerkûkê ya Komîsyona Bilind a Serbixwe ya Hilbijartinan a Iraqê bi dest xistine, cudakirina dengên taybet ên Kerkûkê li parêzgeha Silêmaniyê yf Hevpeymaniya Kerkûkê serkeftineke mezin bi dest xist û dengên taybet ên Yekîtiya Niştimanî ya Kurdistanê (YNK) li Kerkûkê gihîşt 20 hezar û 365 dengan.
Li gor daxuyaniya ofîsa Kerkûkê ya komîsyonê, di veqetandina dengên taybet ên Kerkûkê de li parêzgeha Hewlêrê, YNKê weke hêza duyem piştî PDKê rêjeyeke baş ji dengan bi dest xistiye.
Li gorî zanyariyên ku ofîsa Kerkûkê ya Komisyona Bilind a Serbixwe ya Hilbijartinan a Iraqê ji PUKMEDIA’yê re ragihandiye, YNK’ê bi rêjeya %63’ê dengan li pêş hemû aliyên siyasî yên Kurdistanê ye û dengên taybet bi dest xistine.
Ji aliyê din ve li gor encamên nefermî, Încîl Ziya Şîba Berwarî ku namzedê dawî yê mesîhiyên Kerkûkê ye, li pêş namzedên din e.
PUKMEDIA