Aso Mamend: Parêzgarê pêşerojê yê Kerkûkê mafê kurdan û YNKê ye

PUKMEDIA

Aso Mamend

Serokê hevpeymaniya Kerkûkê spasiya xelkê Kerkûkê kir ku xema wan ji bo parastina nasnameya Kurdistanî ya Kerkûkê heye û got:“Parêzgarê pêşerojê yê Kerkûkê mafê YNKê ye û deriyê me ji bo şirîkatiyeke rasteqîne vekirî ye.’’
Serokê Hevpeymaniya  Hêz û Îradeya me ye jimare 142 ya Kerkûkê,  Aso Mamend piştî serkeftina hevpeymaniyê û bidest xistina dengên herî zêde di encumena parêzgeha Kerkûkê de, di civîneke rojnamevaniyê de got:“Nasnameya pîroz a Kurdayetiya Kerkûkê bi hewlên YNKê û wêrekiya dengdana xelkê Kerkûkê hatiye îsbatkirin û parêzgarê bê yê YNKê ye û dê xizmeta Kerkûkê û hemû pêkhateyan bike.’’
Piştî serkeftina Hevpeymaniya Kerkûkê Hêz û Îradeya me ye ku di encûmena parêzgeha Kerkûkê de yekem e û 139 hezar û 373 deng bidest xistiye. Her wiha got:’’ YNK û Kerkûk ji hev cuda nabin û parêzgarê bê yê Kerkûkê kurd e û di nav kurdan de wê endamê  YNKê ye.’’
Her wiha got: “Em newekhevî û bêedaletiya berê li parêzgehê nahêlin û emê bi hemû aliyan re di diyalogê de bin ji bo pêşkêşkirina rêveberiyeke serkeftî ji bo xizmetguzariya xelkê Kerkûkê.’’
Berî hilbijartinan me daxwaz ji partiyên Kurdistanî kiribû ku bi yek lîste beşdarî hilbijartinan bibin, lê mixabin guh nedan me û ev jî bû sedem ku bi hezaran dengên Kurdan ji rê derbikevin û  her wiha Aso Mamend got: YNK’ê baweriya xwe bi şirîkatiyek rasteqîne di rêveberiyê de heye û deriyên xwe ji partiyan re vekiriye ji ber ku giringe YNK’ê xizmeta xelkê Kerkûkê bike.
PUKMEDIA