Saadî Pîra: Em ê bi hilbijartinan ji bo xakê têdikoşin

PUKMEDIA

Saadî Ehmed Pîre

Beşdarbûna kurdan di hilbijartinên encumenên parêzgehên Iraqê de bi taybetî li Kerkûkê îsbat kir ku kurd ti carî destek ji axa bav û kalên xwe nagirin û Berdevkê Yekîtiya Niştimanî ya Kurdistanê (YNK) dibêje:"Hilbijartinên encumenên parêzgehên Iraqê ji bo kurdan şerê axê ye, ne nêrîna siyasî ye."
Berdevkê Yekîtiya Niştimanî ya Kurdistanê (YNK) Saadî Ehmed Pîre duh di civîneke çapemeniyê de got;  "Hilbijartinên encumenên parêzgehên Iraqê ji bo Iraqê bi giştî û navçeyên nakok bi taybetî û Kerkûk jî di nav de gelek girîng bûn, ji ber ku ji bo me kurdan ev hilbijartin mijareke axê bû, ne nêrîna siyasî ,em kêfxweş bûn bi dengên xwe kurdbûna bajêr îspat kirin”
Her wiha got:“Li parêzgeha Nînowa, ku jê re dibêjin Îraqa kêmkirî, giring e Kurd dengê xwe bidin û guhertinên îdarî li parêzgehê pêk bînin, ji ber ku em di wê baweriyê de ne ku piştî karesata DAIŞê bo ser wî bajarî, pêwîstiya xelkê bi xizmetguzariyên zêdetir û pêkve jiyanê heye.’’ Pîra got, namzedên Yekîtiya Niştimanî ya Kurdistanê (YNK) li Kerkûk, Nînowa û hemû navçeyên nakok namzedên gelek baş bûn û dikarin guhertinan bikin.
Berdevkê YNKê got:"Bi piraniya kursiyên encumena parêzgeha Kerkûkê, em dikarin parêzgarekî kurd ji bo parêzgehê destnîşan bikin û hemû pêkhate xizmetguzariyê werbigirin û bi aramî bi hev re bijîn û em bang li Komisyona Serbixwe ya Hilbijartinan dikin ku bi awayekî yasayî pirsgirêkan çareser bikin  di dema hilbijartinan de gel pê re  rû bi rû maye û ji dengdanê hatine bêparkirin çareser bike."
PUKMEDIA