Rêbwar Taha: Dijberên me li dijî kurdbûna Kerkûkê pîlanan dikin

PUKMEDIA

Xalid Şivanî û Rêbwar Taha

Li Kerkûkê komployek mezin li dijî kurdan hat kirin û bi hezaran kurd ji dengên xwe bêpar man û em bang li Kurdên Kerkûkê dike ku biçin dengê xwe bidin û nehêlin dijberên me serketinê pîroz bikin.
Di vê çarçoveyê de ji bo Xalid Şivanî û Rêbwar Taha civîneke rojnamevaniyê hate lidarxistin û di destpêka konferansê de Xalid Şivanî got: ‘’Daxwaz ji xelkê birêz Kerkûkî dikim ku di saetên mayî de biçin dengê xwe bidin û çar salên xweş ji bo neviyên xwe misoger bikin.’’
Xalid Şivanî wiha got: “Tevahiya Kurdistanê li benda wê yekê ye ku xelkê Kerkûkê bi dengên xwe kurdbûna bajêr îspat bikin û di vê testa komployê de bi ser bikevin, lewra ez daxwazê ji wan kesan dikim ku neçûne ser sindoqan û deng nedane, herin dengê xwe bidin partiya ku di hemû tengasiyan de bi wan re bûye û qet dev ji wan bernedaye.” 
Endamê Serkirdatiya Yekîtiya Niştimanî ya Kurdistanê (YNK) Rêbwar Taha wiha got: “Dijberên me bi tundî diçin ser sindoqan û dixwazin kurdayetiya Kerkûkê ji holê rakin, lewma ez daxwaz ji we dikim ku rê nedin dijberên me pîrozbahiya serkeftinê bikin.’’
Wî got: “Li dijî dengê Kurdan komployek hatiye kirin û bi deh hezaran Kurd nayên dengê xwe bidin, ji ber vê yekê daxwaz ji Kerkûkiyên qehreman dikim ku bi dengên xwe komploya dijberên me pûç bikin û nehêlin îşev serketinê pîroz bikin.”
PUKMEDIA