Serok Bafil: Hewldanên me bo vegerandina desthilatê ye li Kerkûkê

PUKMEDIA

Serok Bafil li Kerkûkê

Serokê Yekîtiya Niştimanî ya Kurdistanê (YNK) Bafil Celal Talebanî li bajarê Kerkûkê bi hejmarek mamoste, zanayên olî û kesayetiyên civakî re civiya.
Di civînê de ku Rîfaat Ebdullah, Aso Mamend, Şalaw Elî Eskerî, rêheval Şêx Daro û Şêx Ehmed Heme Kerîm, endamên Mekteba Siyasî û Rêbwar Taha serokê lîsteya hevpeymaniya Kerkûkê amade bûn, ku Serok Bafil di warê hişyarkirina civakê de, pêşxistina fikra nermbûn û kûrkirina jiyana hevbeş  rol û pêgeha mamostayên olî û kesayetiyên civakî li Kerkûkê bilind nirxand û got:“YNK rêzê ji hewlên we re digre û piştgîriyê li her pêngavekê dike ku ji bo pêşxistina ruhê pêkvejiyanê di navbera hemû pêkhateyên Kerkûkê de ye.
Serok Bafil di axaftina xwe de bal kişand ser bername û xizmetên siyasî yên hevpeymaniya Kerkûkê û got:“Hewldanên me ji bo bidestxistina desthilatê û serastkirina rêbaza rêvebirina herêmê, xizmetkirina Kerkûkê û parastina mafên rewa yên xelkê ne û em ê siyaseta rast a Serok Mam Celal bişopînin, ku tê de parastina mafên hemû pêkhateyên etnîkî û pêkhateyên xwecihî yên Kerkûkê ye û bi her awayî dûrketin û cudakariyê red dike."
Serok Bafil bang li gelê Kerkûkê kir ku dîrokeke tijî serwerî û serbilindî ji nû ve binivîsin û dîsa bi  heman ruhî biçin ser sindoqan û namzetên Hevpeyîmaniya Kerkûkê hilbijêrin, dengê xwe bidin Lîsteya 142 û serbilindiyeke din di dîrokê de tomar bikin û kurdbûna Kerkûkê biparêzin.
Di dawiya civînê de gotûbêjeke vekirî hate kirin û di bersiva têbînî û pêşniyaran de Serok Bafil got:  “Kerkûk di dilê me de ye û mala her Kerkûkî ye, mala min û YNK’ê ye, me ti carî dest ji Kerkûkê bernedaye û emê her tim jî wisa bikin, niha bi serkeftina hevpeymaniya Kerkûkê hêz û îradeya me ye.’’
Di dawiya civînê de gotûbêjeke vekirî hate kirin û di bersiva têbînî û pêşniyaran de Serok Bafel got:  “Kerkûk di dilê me de ye û mala her Kerkûkî  mala min û YNK’ê ye, me ti carî dest ji Kerkûkê bernedaye û emê her tim jî wisa bikin, niha bi serkeftina Hevpeymaniya Kerkûkê Hêz û Îradeya me ye , em ê ji bo yekîtiya xwe dîrokeke din binivîsin û ji keleha we ya qedîm û serbilind mizgîniya serkeftinê bidin.”
PUKMEDIA