Şandeke YNKê serdana partiyên Kurdistanî dike

PUKMEDIA

Şanda Yekîtî û partiya komunîst

Şanda Yekîtiya Niştimanî ya Kurdistanê bi serokatiya Derbaz Kosret Resûl li Hewlêrê wê sardana hinek aliyên siyasî bike.

Li gor zanyariyên PUKMEDIAyê, şanda han dê serdana Partiya Komunîst a Kurdistanê, Partiya Zehmetkêşên Kurdistanê, Partiya kirêkeran û rencderanî Kurdistanê û Partiya Parêzgarên Kurdistanê bike.
Di wê çarçoveyê de Şande bi serokatiya endamê mekteba Siyasî û Berpirsê Mekteba Pêwendiyan Feysel Kerîm Xan, Rêbaz Bêrkotî û Salar Lala Serhed gihişte baregeha Partiya Komunîst a Kurdistanê û ji aliyê Kawa Mehmûd ve hat pêşwazîkirin.

YNKê destê lihevkirinê dirêj kiriye
Piştî civînê di daxuyaniyeke rojnamevanî de serpereştyarê şanda yekîtî Derbaz Kosret Resûl got: Me piştî kongreya pêncem a YNKê ve destê xwe yê aştî û pêkvejiyan dirêjî hemû aliyan kiriye û em dixwazin diyalogeke niştimanî çêkin û xwe ji hemû îmkanên ku derbasî herêmê bibin amade bikin. Herwaha got: Em berdewamin li gel PDK û hemû aliyên din di pêwendiyê d, niha ji ber hilbijartinên encumenên parêzgehên Êraqê em mijûl in, lê helbet piştî hilbijartinan dê civîn berdewam bin.

Got jî rewşa siyasî ya Kurdistanê û herêmê hestiyar e. Em weke YNK'ê dixwazin hemû hêz û alî li ser çawaniya rûbirûbûna wan kêşeyên li pêşiya Herêma Kurdistanê xwedî nêrîneke hevbeş bin. Derbarê hilbijartinan jî Derbaz got: Xwebextane duh parlamentoya Êraqê bûdceya pêwîst ji bo hilbijartinan terxan kir.

PUKMEDIA