Îmad Ehmed: Divê em hemû hewl bidin namzedên YNKê bidest bixin

PUKMEDIA

YNK li Xaneqîn û Germiyanê

Roja 11.12.2023 Imad Ehmed endamê mekteba Siyasî û Berpirsê Mekteba Ragihandina YNKê serdana malbenda  Germiyanê kir û ji aliyê Salar Mehmûd berpirsê malbendê ve hate pêşwazî kirin.
Îmad Ehmed pîrozbahî li berpirsê  nû yê malbend kir û hêviya serkeftinê jê re xwest û di axaftineke kurt de giringiya hilbijartina encûmena parêzgehê ji hevalên amade re şirove kir û tekez kir ku beşdariya kurdan li Kerkûk, Xaneqîn û navçeyên nakok hem ji bo Kurdan hem jî ji bo nasnameya Kurdistanî ya van deveran girîng e ku dengên xwe bidin lîste û hevpeyîmanê YNK’ê, garantiya serkeftina Kurdan û parastina nasnameya wan e.
Her wiha rola Germiyanê û gelê wê di dîroka tevgera rizgarîxwaz a gelê Kurd de bi taybetî di şoreşa nû ya gelê me de bi bîr xist û got: Divê em hemû di vê hilbijartinê de xizmeta serkeftina namzedên YNKê bikin, bi taybetî ku Kerkûk, Xaneqîn û navçeyên din di bin rêveberiya Herêma Kurdistanê de nînin.
Îmad Ehmed bi mebesta piştgirîkirina  serkeftina lîsteya 120 ya YNKê li parêzgeha Diyale û Xaneqînê serdana navçeya Xaneqînê kir û ji aliyê berpirsê navenda 8 a Xaneqînê ve hat pêşwazîkirin û ligel kadro û endamên YNKê yên di organên cuda de civiya.
Îmad Ehmed di axaftinekê de bo amadebûyan wiha got:“Ev hilbijartin ji bo gelê Xaneqîn û YNK’ê diyarker e, ji ber ku YNK û Xaneqîn weke du zarokên ji yek zikê çêbûne û ji bo xaka pîroz a Kurdistanê û ala Kurdistanê bêwestan xebat kirine, ji ber wê jî bi heman ruhî ji bo bidestxistina lîsteya 120 ya YNKê û namzetên wê dixebitin.”
Wî got:“Xaneqîn li gel Serok Mam Celal cih û pêgeha xwe hebû, ji ber wê jî niha Serokê Yekîtiya Niştimanî nî ya Kurdistanê (YNK) û hemû Mekteba Siyasî û serkirdayetî ji bo baştirkirina proseya hilbijartinan li Xaneqîn, Kerkûk, Selahedîn û Nînowa kar dikin.
PUKMEDIA